அதிரை ஈசிஆர் சாலையில் ஆட்டோ தலைகீழ் கவிழ்ந்து விபத்து !

ஆதம் நகரை சேர்ந்தவர் அல்லாபிச்சை. ஆட்டோ ஓட்டுனரான இவர் இன்று இரவு அதிரை பேருந்து நிலையத்திலிருந்து ஈசிஆர் சாலையில் தனது இல்லத்தை நோக்கி ஆட்டோவை ஓட்டிசென்றுள்ளார். ஆட்டோ டேட் கடை ( உணவகம் ) அருகே சென்று கொண்டிருந்த போது சாலையின் குறுக்கே திடீரென மாடு புகுந்தது. நிலை தடுமாறிய ஆட்டோ ஓட்டுனர் திடீர் பிரேக் போட்டுள்ளார். இதில் ஆட்டோ வாகனம் அருகில் உள்ள வாய்க்கால் பள்ளத்தில் தலைகீழ் கவிழ்ந்து விபத்துக்குள்ளானது. இதில் ஆட்டோ ஓட்டுனருக்கு லேசான காயங்கள் ஏற்பட்டது. பள்ளத்தில் கவிழ்ந்த ஆட்டோவை கையிற்றை கட்டி மேல கொண்டு வந்தனர்.  இதனால் இந்தபகுதியில் சிறிது நேரம் பரப்பரப்பு நிலவியது. ஈசிஆர் சாலையோரத்தில் அனாதைகளாக மேயும் மாடுகளால் அடிக்கடி இப்பகுதியில் விபத்து நிலவி வருவது குறிப்பிடத்தக்கது.

செய்தி மற்றும் புகைப்படங்கள் : 
அப்துல் வாஹித்