ஓரம்போ ! ஓரம்போ !! தள்ளுமாடல் வண்டி வருது, [ படங்கள் உண்டு ]

ஓரம்போ ஓரம்போன்னு கத்திகோன்னு வந்தாலும் அம்புட்டு கூட்டமா தெருவுலே?

இங்க பாருங்க:-

இந்த வண்டியில் பெண்களுக்கே உரித்தான சில சாதனங்களை வைத்து “புகைப்படத்திற்கு முகம் காட்ட விரும்பாத” ஒருத்தர் தெரு தெருவா வியாபாரம் செய்து வருகின்றார். அதே சமயத்தில் அதிரையில் இ.சி.ஆர். சாலையைத் தவிர மற்ற அனைத்து சாலைகளும் குண்டும் குழியுமாக இருக்கின்றது.

அது சரிங்க இந்த குண்டும் குழியுமா இருக்கும் சாலையிலே இந்த வண்டியை எப்படி இவ்வளவு தூரம் தள்ளிக்கிட்டு அல்லது இழுத்துக்கிட்டு வந்திருக்க முடியும்.

அவரிடம் கேட்டதற்கு, வயிற்று பிழைப்பு இருக்குதே என்ன செய்வது? எதிர்நீச்சல் போட்டுதான் வரமுடிந்தது என்றார். எங்க வீட்டு வாசலருகே வந்தவரிடம் ரூபாய் ஐந்து கொடுத்து ஒரு சீப்பை வாங்கி அவரை சந்தோஷப்படுத்தினேன்.

குறிப்பு:-

இந்தக் வண்டிக் காரரைப் போல் ஏனைய வண்டிக் காரர்கள், பொது மக்கள், பள்ளி வாகனங்கள், பள்ளிக் குழந்தைகள், வியாதியஸ்தர்கள், வயோதிகர்கள், இன்னும் பலர் மிகவும் சிரமப்பட்டுத்தான் இந்த குண்டும் குழியுமாக இருக்கும் சாலையை தினந்தோறும் கடந்து செல்கின்றனர்.

அதிரை சாலைகளுக்கு விடியுகாலம் எப்போது?

மிகவும் பரபரப்பாக காணப்படும் மெயின் ரோடே நல்ல நேரம் பார்த்து அதாவது இராகு காலம், அஷ்டமி, நவமி எல்லாம் பார்த்து ஒவ்வொரு வேலையும் ஆமை வேகத்தில் நடக்குதுன்னா, தெருக்களில் உள்ள சாலைகளை பற்றி எப்படி நினைப்பது.  

ஒன்னு செய்யலாம், அதாவது அதிரையில் உள்ள ஒவ்வொரு குடும்பத்திலும், குடும்பத்திற்கு ஆயிரம் ரூபாய் வீதம் வசூலித்தால், ஒரு பத்து அல்லது பதினைந்து கோடி ரூபாய் வசூல் ஆகும். அதை வைத்து அதிரை சாலைகளை சீர் செய்யலாமே.

கேட்பதற்கு நல்லாத்தானே இருக்குது. முயற்சி செய்யது பாருங்க........!? பல வசைச் சொற்கள், பின் பாட்டுக்கள், முக்கத்துக்கு முக்கம் கூடி பேசுதல், இன்னும் பல அவதூறுகள் உங்களைத் தேடி வந்து கொண்டே இருக்கும்.

இதெற்கெல்லாம் பயந்தால் சாதிக்க முடியாது வாழவும் முடியாது.

இப்படிக்கு.

கோ.மு.அ. ஜமால் முஹம்மது.

த/பெ. (மர்ஹூம்) கோ.முஹம்மது அலியார்.

Human Rights and Consumer Rights Included.

Thanjavur District Organizer. Adirampattinam-614701.

consumer.and.humanrights614701@gmail.com