கடற்கரைதெரு ஊராட்சி ஒன்றிய தொடக்கப்பள்ளியில் கொண்டாடப்பட்ட குடியரசு தின நிகழ்ச்சி !

இந்திய குடியரசு பெற்று 65 ஆண்டுகள் கழிந்து 66 வது ஆண்டை நோக்கிச் செல்லும் இந்த தினத்தில் இன்று காலை 8 மணியளவில் கடற்கரைதெரு ஊராட்சி ஒன்றிய தொடக்கப்பள்ளியில் குடியரசு தின கொடியேற்றும் விழா உற்சாகமாக கொண்டாடப்பட்டது.

கடற்கரை தெரு ஜாமத் நிர்வாகி எஸ்.எம்.ஏ அக்பர் ஹாஜியார் இந்திய தேசிய கொடியை ஏற்றி வைத்தார். இதில் கடற்கரைதெரு ஜமாஅத் நிர்வாகிகள் பள்ளியின் அனைத்து ஆசிரிய ஆசிரியைகள், பெற்றோர் ஆசிரிய கழக பொறுப்பாளர்கள், பேரூராட்சி வார்டு உறுப்பினர், மாணவ மாணவிகள் பங்கேற்று சிறப்பித்தனர். நிகழ்ச்சியில் கலந்துகொண்ட அனைவருக்கும் இனிப்புகள் வழங்கப்பட்டது.

முன்னதாக மாணவ மாணவிகளின் அறிவுத்திறன் நிகழ்ச்சி நடைபெற்றது. இதில் மாணவ மாணவிகள் ஆர்வத்துடன் கலந்துகொண்டனர்.