அதிரை பைத்துல்மாலில் கொண்டாடப்பட்ட குடியரசு தின நிகழ்ச்சி!

இந்திய குடியரசு பெற்று 65 ஆண்டுகள் கழிந்து 65 வது ஆண்டை நோக்கிச் செல்லும் இந்த தினத்தில் இன்று காலை 9 மணியளவில் அதிரை பைத்துல்மாலில் குடியரசு தின கொடியேற்றும் விழா உற்சாகமாக கொண்டாடப்பட்டது.

அதிரை பைத்துல்மால் துணைத்தலைவர் வழக்கறிஞர் அப்துல் முனாப் அவர்கள் தலைமையில் நடைபெற்ற இந்த நிகழ்ச்சியில் அதிரை பைத்துல்மால் துணை தலைவர் முன்னாள் தலைமை ஆசிரியர் எஸ் கே எம் ஹாஜா முகைதீன் அவர்கள் கொடியேற்றி வைத்தார்.

முன்னதாக அதிரை பைத்துல்மால் துணை பொருளாளர் அப்துல் மாலிக் கிராத் வழங்க, அதிரை பைத்துல்மால் துணை செயலாளர் முஹம்மது இப்ராஹீம் வரவேற்புரை நிகழ்த்தினார். இறுதியாக நன்றியுரையை பைத்துல்மால் பொருளாளர் ஓகேஎம் சிபஹத்துல்லா வழங்கினார்.

இந்நிகழ்ச்சியில் அதிரை பைத்துல்மாலின் நிர்வாகிகள், அலுவலக உதவியாளர்கள், மாணவ மாணவிகள் பங்கேற்று சிறப்பித்தனர். நிகழ்ச்சியில் கலந்துகொண்ட அனைவருக்கும் இனிப்புகள் வழங்கப்பட்டது.