வன்கொடுமை தடுப்பு சட்ட வழக்கிலிருந்து அதிரை சேர்மன் விடுவிப்பு !

அதிரை பேரூராட்சி பெருந்தலைவராக கடந்த 4 ஆண்டுகளுக்கும் மேலாக பொறுப்பில் இருந்து வருபவர் எஸ்.ஹெச் அஸ்லம். இவர் மீது அதிரை பேரூராட்சி துப்புரவு பணியாளராக பணியாற்றி வந்த பன்னீர் என்பவர் அளித்த புகாரின் பேரில் கடந்த 2013 ஆம் ஆண்டு டிசம்பர் அன்று வன்கொடுமை தடுப்பு சட்டத்தின் கீழ் வழக்கு போடப்பட்டு தஞ்சை சிறப்பு நீதிமன்றத்தில் நடந்து வந்தது.

கடந்த 2 ஆண்டுக்கும் மேலாக நடந்து வந்த இந்த வழக்கில் தீவிர விசாரணை நடத்தப்பட்டது. இதுதொடர்பாக நடத்தி முடிக்கப்பட்ட இறுதிகட்ட விசாரணையை அடுத்து இன்று தீர்ப்பு கூறப்பட்டது. இதில் அதிரை பேரூராட்சி தலைவர் எஸ்.ஹெச் அஸ்லம் மீது வன்கொடுமை தடுப்பு சட்டத்தின் கீழ் போடப்பட்ட வழக்கில் இவர் நிரபராதி எனக் கூறி இன்று விடுவிக்கப்பட்டார்.

இதுகுறித்து அதிரை பேரூராட்சி தலைவர் எஸ்.ஹெச் அஸ்லம் நம்மிடம் கூறுகையில், உண்மைக்கு கிடைத்த வெற்றி. போலியாக போடப்பட்ட வழக்கு என்பது கோர்டில் நிருபணமாகியுள்ளது. இறைவன் உண்மையோடு என்றும் இருப்பான். எல்லாப் புகழும் இறைவன் ஒருவனுக்கு' என்றார்.