கோட்டை அமீர் விருது பெற்ற M.B அபூபக்கருக்கு பேரூராட்சி துணை தலைவர் பிச்சை வாழ்த்து !

தமிழக அரசின் சார்பில் ஆண்டு தோறும் மதநல்லிணக்கத்துக்காக 'கோட்டை அமீர்' விருது வழங்கப்பட்டு வருகிறது. தகுதியானர்வர்களை தேர்ந்தெடுத்து இந்திய சுதந்திர தினம் - குடியரசு தினத்தன்று இந்த விருது வழங்கப்படும்.

இதில் அதிரை அஜ்ஜாவியத்துல் ஷாதுலியா ட்ரஸ்ட் நிர்வாக செயலாளராக பொறுப்பில் இருப்பவர் M.B. அபூபக்கர். இவருக்கு தமிழக அரசின் உயரிய விருதாக கருதப்படுகிற 'கோட்டை அமீர்' விருதை தமிழக முதல்வர் செல்வி ஜெயலலிதா இன்று நடந்த குடியரசு தின விழாவில் வழங்கி கெளரவித்தார்.

கோட்டை அமீர் விருது பெற்ற M.B அபூபக்கருக்கு பேரூராட்சி துணை தலைவரும், அதிமுக அதிரை பேரூர் செயலாளருமாகிய என். பிச்சை சால்வை அணிவித்து வாழ்த்து தெரிவித்தார். மேலும் அதிரை பேரூர் துணை செயலாளர் முஹம்மது தமீம், முஹம்மது ஹனீபா, கவுன்சிலர் சிவக்குமார், வார்டு செயலாளர் ஹாஜா பகுருதீன் ஆகியோர் சால்வை அணிவித்து வாழ்த்து தெரிவித்தனர்.