அமீரகம் ஃபுஜேராவில் உள்ள சுமார் 560 வருட பழமையான மண் பள்ளி ![ புகைப்படங்கள் ]

இந்த மண் பள்ளி வாசல் ஃபுஜேராவில் இருந்து சுமார் 20 கிலோ மீட்டர் தொலைவில் குர்ஃபகான் கடல் கரை அருகில் உள்ள அல் பிதாயா எனும் ஊரில் ஒரு மலை அடிவாரத்தில் அமைதி சூழ அமைந்துள்ளது.

சுமார் 50 சதுர அடியே ஆனா நிலப்பரப்பில் நான்கு கோபுரங்களை ஒரே தூணில் தாங்கி நின்றபடி அழகிய பழமைத் தோற்றத்தில் காண்போரை கவரும் வண்ணம் அமையப் பெற்று இருப்பதே இதன் தனிச்சிறப்பு.

இப்பள்ளி வெறும் களிமண்ணாலும் மலைக்கற்க்களைக் கொண்டும் கட்டப்பட்டு இருக்கிறது.

ஐவேளைத் தொழுகை தொடர்ந்து நடைபெற்றுக் கொண்டிருக்கும் இப்பள்ளியில் தற்போது பங்களாதேசை சேர்ந்த ஹாஃபிஸ் அஹமது என்பவர் இமாமாக உள்ளார்.

இப்பள்ளியை பல தொல்பொருள் ஆராய்ச்சியாளர்கள் வந்து ஆராய்ந்தும் இப்பள்ளி கட்டிய சரியான வருடத்தை இதுவரை கண்டு பிடிக்க முடிய வில்லை.ஆராய்ச்சியாளர்களின் தகவலின்படி இந்த மண்பள்ளி 1446 ஆம் ஆண்டில் கட்டியிருக்கலாம் என்பதாக சொல்லப்படுகிறது.
  

பல தலைமுறையாய் இருந்து வரும் இப்பள்ளியை கட்டியது யார் என்று சரிவரத்தெரியாத புரியாத புதிராக உள்ளது என்று அங்கு வசிக்கும் மக்கள் கூறுகின்றனர்.

அமீரகத்தில் வசிப்போர்கள் அவசியம் ஒரு முறையேனும்  பார்க்கவேண்டிய இந்த மண்பள்ளி துபையிலிருந்து சுமார் 125 கிலோ மீட்டர் தூரத்தில் உள்ளது.