அதிரைக்கவிஞர் மு. முஹம்மது தாஹா அவர்களோடு ஒரு அழகிய சந்திப்பு [ காணொளி ] !

1. தங்களின் மார்க்கப்பணி மற்றும் எழுத்துப்பணியைப் பற்றி ?
2. தங்களுக்கு ஏற்பட்ட தமிழ்மொழி பற்றுதலைப்பற்றி கூறுக
3. கவிதை எழுதும் ஆர்வம் ஏற்பட்டது எப்படி ?
4. அதிரையில் வாழ்ந்த கல்வியாளர்கள், சமூக ஆர்வலர்கள், அறிஞர்கள் ஆகியோரைப்பற்றி கூறுக.
5. உங்களைக் கவர்ந்த சக கவிஞர்கள், கல்வியாளர்கள், சமூக ஆர்வலர்கள் மற்றும் இளங்கவிஞர்கள் ஆகியோர் யார் ?
6. உங்களின் பார்வையில் பட்ட அதிரையின் பெண் கவிஞர்கள் சிலரைப்பற்றி கூறுக

ஆகிய கேள்விகளை முன்வைத்து அதிரை நியூஸின் நேர்காணலுக்காக கவிஞர் மு. முஹம்மது தாஹா அவர்களின் இல்லத்தில் அருமையான தேநீர் பொழுதில் சந்தித்தோம்.

அதிரைக்கவிஞர் அல்ஹாஜ் மு. முஹம்மது தாஹா எம்.ஏ, பி.எட்., அவர்களைப் பற்றிய சிறுகுறிப்பு :
'அருட்கவி' என்று நண்பர்களால் பாரட்டப்படுகிற அதிரையின் மூத்தக்கவிகளில் ஒருவர் அதிரைக்கவிஞர் மு. முஹம்மது தாஹா எம்.ஏ, பி.எட்., அவர்கள். மார்க்கப்பணி, எழுத்துப்பணி ஆகியவற்றில் மூழ்கியிருப்பதோடு மட்டுமல்லாமல் நமதூருக்கு பெருமை சேர்க்கும் அளவு பல நூல்களை எழுதி வெளியுட்டுள்ளார். அதிரையில் அதிகளவில் நூல்களை எழுதியவர் என்ற பெருமை இவரைச்சாரும். இவர் எழுதிய மொத்த நூல்களின் எண்ணிக்கை 55 ஆகும்.

கவிதைச்செம்மல், தமிழ்மாமணி போன்ற விருதுகளையும் பெற்றுள்ளார். பல நூல்களுக்கு அணிந்துரைகளையும் வழங்கியுள்ளார் மேலும் இவரின் நூல்கள் பலருக்கு முனைவர் பட்டம் பெற உதவியாக இருந்துள்ளது என்பது கூடுதல் சிறப்பாக உள்ளது.