அதிரை ஈசிஆர் சாலையிலுள்ள மதுபானக்கடைகளை அகற்றக்கோரி TMJK கட்சியினர் ஆர்ப்பாட்டம் !

தமிழக மக்கள் ஜனநாயகக் கட்சியின் சார்பாக மாபெரும் ஆர்ப்பாட்டம் இன்று [ 26-08-2013 ] மாலை 5 மணியளவில் அதிரை பேருந்து நிலையம் அருகில் நடைபெற்றது.

ஈசிஆர் சாலையோரத்தில் உள்ள மதுபானக் கடைகளை அப்புறப்படுத்தக்கோரியும், அதிரைப்பகுதியில் அடிக்கடி நிகழும் வாகன விபத்துகளை தடுக்கும் நோக்கில் சாலைகளின் பிராதானப் பகுதியில் வேகத்தடை ஏற்படுத்துதல் உள்ளிட்ட கோரிக்கைகளை வலியுறுத்தி நடைபெற்ற ஆர்ப்பாட்டத்தில் தமிழக மக்கள் ஜனநாயகக் கட்சியின் மாநில துணைப் பொதுச்செயலாளர் AJ. ஜியாவுதீன், தலைமை கழக செயலாளர் A.K.N ஷாஜஹான், மாநில பொருளாளர் N.S.M. நஜ்முதீன் ஆகியரோடு சிறப்பு விருந்தினர்களாக கலந்துகொண்ட அதிரை அன்வர் மற்றும் அதிரை பேரூராட்சித் தலைவர் அஸ்லம் ஆகியோர் மதுவின் தீமை குறித்து சிற்றுரை நிகழ்த்தினார்கள்.

இந்த ஆர்ப்பாட்டத்தில் ஏராளமானோர் கலந்து கொண்டனர். போலீசார் பாதுகாப்பு பணிகளில் ஈடுபட்டிருந்தனர்.