அதிரை காவல்துறையின் அன்பான அழைப்பை ஏற்று அனைத்து மஹல்லா நிர்வாகிகள் பங்கேற்பு !

அதிரை காவல்துறையின் அன்பான அழைப்பை ஏற்று இன்று [ 27-08-2013 ] மாலை 6 மணியளவில் நமதூர் காவல் நிலையத்தில் நடைபெற்ற மத நல்லிணக்க கூட்டத்தில் அதிரை அனைத்து மஹல்லாவைச் சார்ந்த நிர்வாகிகள் கலந்துகொண்டனர்.

பட்டுக்கோட்டை காவல்துறை ஆய்வாளர் செங்கமலக்கண்ணன் அவர்களின் தலைமையில் நடைபெற்ற இந்தக்கூட்டத்தில் எதிர்வரும் 12-09-2013 அன்று நடைபெற உள்ள ‘விநாயகர் சதுர்த்தி’ ஊர்வலத்தில் எவ்வித அசம்பாவிதங்ளும் நடைபெறாமல் இருக்கும் பொருட்டு அனைத்து மஹல்லாவைச் சார்ந்த நிர்வாகிகள் தங்களுடைய ஒத்துழைப்பை நல்கவேண்டும் என்று அனைவரிடமும் அன்புடன் கேட்டுக்கொள்ளப்பட்டன.

இந்தக்கூட்டத்தில் அதிரை அனைத்து மஹல்லாவைச் சார்ந்த நிர்வாகிகள், பள்ளிவாசல்களின் நிர்வாக கமிட்டியினர், தமிழக தவ்ஹீத் ஜமாத்தின் கிளை நிர்வாகிகள் உள்ளிட்ட அனைவரும் கலந்துகொண்டு சிறப்பித்தனர். கலந்துகொண்ட அனைவரையும் அதிரை காவல்துறையினர் அன்புடன் வரவேற்று உபசரித்தனர்.