அதிரை காட்டுப்பள்ளித் தெருவில் உள்ள நெய்னாபிள்ளை தர்ஹா இன்று அதிகாலையில் தீ பிடித்து எறிந்தது !

அதிரை காட்டுப்பள்ளித் தெருவில் அமைந்துள்ள தர்ஹாவின் அருகே நெய்னாப் பிள்ளை அவர்கள் அடங்கிய அடக்கஸ்தலமும் உள்ளது. இவற்றின் மேற்கூரை கீற்றால் அமைக்கப்பட்டு அடக்கஸ்தலத்தைச் சுற்றி சுவற்றால் எழுப்பபட்டு சிறிய குடிலாக காட்சியளித்து வந்தன.

இன்று அதிகாலை 12 மணிக்கு மேல் ஏற்பட்ட தீயில் அடக்கஸ்தலத்தின் குடில் முற்றிலும் எறிந்து கருகின. தகவலறிந்த அக்கம்பக்கத்தினர் தீயை அணைக்க முயற்சித்துள்ளனர். உடனே காவல்துறைக்கும் தீயணைப்பு துறையினருக்கும் தகவல் கொடுத்ததை அடுத்து சம்பவ இடத்திற்கு விரைந்து வந்த தீயணைப்பு வீரர்கள் தீயை அணைக்க உதவியுள்ளனர். மேலும் தீ விபத்து குறித்து அதிரை காவல்துறையினர் விசாரித்து வருகின்றனர்.