அமீரக தேசிய தினத்தையொட்டி கின்னஸ் சாதனைக்காக 156 பேருந்துகளில் தேசிய கொடி !

ஐக்கிய அரபு அமீரகத்தின் 43வது தேசிய தினம் எதிர்வரும் [ 02-12-2014 ] அன்று கொண்டாடப்பட இருக்கிறது. இந்நிலையில் அபுதாபி போக்குவரத்து துறை சார்பில் கின்னஸ் உலக சாதனை நிகழ்த்தப்பட இருக்கிறது. இந்த பணிக்காக 156 பேருந்துகள் பயன்படுத்தப்பட்டுள்ளன. ஐக்கிய அரபு அமீரகத்தின் தேசிய கொடியின் ஓவியம் பேருந்தின் மேற்கூரை மீது தீட்டப்பட்டுள்ளது. நான்கு வர்ணங்களை கொண்ட தேசிய கொடியின் ஒவ்வொரு வர்ணங்களுக்கும் 39 பேருந்துகள் பயன்படுத்தப்பட்டுள்ளன. மொத்தம் 36.6 மீட்டர் நீளத்திலும், 145.3 மீட்டர் அகலத்திலும் உருவாக்கப்பட்டுள்ளன. இந்த பணிகள் அனைத்தும் இரண்டு வாரங்களுக்குள் முடிக்கப்பட்டுள்ளதாக தெரிவிக்கப்பட்டுள்ளது.