மதம் கடந்த மனிதநேயம் ! அய்யம்பேட்டை மருத்துவரின் இறுதி நிகழ்ச்சியில் கூடிய இஸ்லாமியர்கள் !! [ படங்கள் இணைப்பு ]

தஞ்சாவூர் மாவட்டம் அய்யம்பேட்டையில் பல்லாண்டு காலம் மருத்துவராக சேவையாற்றி வந்தவர் டாக்டர் கோட்டைச்சாமி(60)  இராமேஸ்வரம் சாலையில் நடந்த‌ விபத்தில் உயிரழந்தார். இவரின் திடீர் மறைவு இப்பகுதியை சேர்ந்த ஆயிரக்கணக்கான‌ மக்களுக்கு பெரும் அதிர்ச்சியை அளித்தது. அவரின் இறுதிச்சடங்கில் மரியாதை செய்ய பல பகுதிகளிலிருந்தும் பல்லாயிரக்கணக்கில் மக்கள் கூடி, குறிப்பாக‌ இஸ்லாமியர்கள் மட்டுமே தொண்ணூறு சதவீதத்திற்கும் அதிகமாக கூடி தங்கள் இரங்கலை தெரிவித்து கதறி அழுதார்கள் .  மருத்துவர்  ஒருவரின் மறைவுக்கு  இத்தனை பெரிய கூட்டம் கூடியது இதுவே முதல் முறை என அப்பகுதி மக்கள் தெரிவித்தனர். இதற்கெல்லாம் ஆதார சுருதி அவர் அப்பகுதி மக்கள் மேல் காட்டிய கருணை. மக்களுக்கு அவர் காட்டிய அன்பு. மருத்துவத்தை ஏழை எளிய மக்களுக்காக சேவையாகவே செய்து பல உயிர்களை காத்து நின்றது தான்.

இது குறித்து அப்பகுதிய சேர்ந்த முஹைதீன் பாட்சா, மற்றும் பாட்ஷா கனி உள்ளிட்ட அப்பகுதியை சேர்ந்தோர் கூறியதாவது, 
வாழும் போது எப்படி அன்பை மட்டுமே பிரதானமாய் கொண்டு மனிதர்களை கருணையால் சூழ்ந்து சிகிச்சை செய்து சாதித்தாரோ, அது போலவே அவர் இறந்த போதும் மதமாச்சர்யங்களை தவிடு பொடியாக்கி மனித நேயத்தை, மதம் கடந்த பெரும் நேசத்தை அவர் இறந்து போய்விட்டலும் அவரது பூத உடல் நிரூபித்துக் காட்டிவிட்டது.

இத்தனை மக்கள் ஒன்று கூடி திரண்டது தங்கள் ஆற்றாமையை வெளிப்படுத்துகிறது என்றால் இதில் மருத்துவர் ஐயா அவர்கள் மக்களின் மீது காட்டிய மெய்யன்பும், மக்கள் அனைவரும் மருத்துவர் ஐயா அவர்களிடம் காட்டிய பேரன்பு மட்டுமே காரணம். ஒரு அரசியல் வாதிக்கோ, ஒரு நடிகருக்கோ கூடிடும் கூட்டத்தில் சுயநலம் கலந்திருக்கும் ஆனால் இங்கு கூடிய கூட்டத்திற்கு அன்பும், ஆற்றாமையும், மனிதநேயரை பிரிந்துவிட்டோம் என்ற பிரிவுத்துயரும் மட்டுமே தான் காரணமாக உண்டு என்றனர்.

நன்றி: தினகரன்