பொதுமக்கள் தலையில் விழும் நிலையில் நெசவுத்தெரு மின்கம்பம் ! புதிய மின்கம்பம் நட வேண்டுகோள் !

நெசவுத்தெரு மாதினுல் ஹஸனாத்தில் இஸ்லாமிய சங்கம் அருகே அமைந்துள்ள [ டெய்லர் கடை எதிரில் ] மின்கம்பத்தின் அடிப்பகுதி மிகவும் அரிக்கப்பட்டு கீழே விழுந்து சாயும் நிலையில் உள்ளதால் இப்பகுதியில் வசிக்கும் பொதுமக்கள் மிகுந்த அச்சத்தில் உள்ளனர். இந்த மின்கம்பத்தில் 10 க்கும் மேற்பட்ட இணைப்புகள் உள்ளது. தற்போது அதிரையில் தொடர் மழை பெய்து வருவதால் எந்நேரத்திலும் கீழே விழுந்து சாயும் நிலையில் இருக்கிறது.

இதுதொடர்பாக நெசவுத்தெரு மாதினுல் ஹஸனாத்தில் இஸ்லாமிய சங்கத்தின் சார்பில் மின்சார வாரியத்தின் கவனத்துக்கு பலமுறை எடுத்துச்செல்லப்பட்டது. நீண்ட இடைவெளிக்கு பிறகு மின்சார வாரியத்தின் சார்பில் புதிய மின்கம்பதை நடுவதற்கு ஏற்பாடு நடந்தது. இதற்காக புதிய மின்கம்பமும் இந்த பகுதிக்கு கொண்டு வரப்பட்டது. பல மாதங்கள் ஆகியும் புதிய மின்கம்பத்தை நடுவதற்கு மின்சார வாரியத்தின் சார்பில் எவ்வித முயற்சியும் மேற்கொள்ளவில்லை என கூறப்படுகிறது.

இதுதொடர்பாக இன்று காலை அதிரை பேரூராட்சி தலைவர் அஸ்லம், மாதினுல் ஹஸனாத்தில் இஸ்லாமிய சங்க நிர்வாகிகள், அதிரை மின்சார வாரிய அலுவலகத்திற்கு நேரடியாக சென்று, அலுவலரிடம் மீண்டும் கோரிக்கை விடுத்துள்ளனர். இன்னும் சில தினங்களில் புதிய மின்கம்பம் நடுவதற்கு ஏற்பாடு செய்வதாக மின்சார வாரிய அலுவலர் தரப்பில் உறுதியளிக்கப்பட்டுள்ளதாக கூறப்படுகிறது.

களத்திலிருந்து நூவன்னா