பட்டுக்கோட்டை இரயிலடி பள்ளிவாசல் - தேவாலயம் மீது திடீர் தாக்குதல் !

பட்டுக்கோட்டை இரயில்வே நிலையம் அருகே அதிரை செல்லும் பிராதன சாலையில் அமைந்துள்ளது இரயிலடி பள்ளிவாசல். இந்த பள்ளிவாசலில் இப்பகுதியில் வாழும் இஸ்லாமிய மக்கள் - வர்த்தகர்கள் இஸ்லாமிய கடமைகளில் ஒன்றாகிய தொழுகையை தினமும் நிலை நிறுத்தி வருகின்றனர். அதேபோல் இதன் அருகில் தேவாலயம் அமைந்துள்ளது. இங்கு கிருஸ்த்துவ சமூகத்தினர் பிரார்த்தனை மேற்கொண்டு வருகின்றனர்.

இந்நிலையில் நேற்று முன்தினம் நள்ளிரவில் அடையாளம் தெரியாத மர்ம நபர்கள் பள்ளிவாசல் மீதும், தேவாலயத்தின் மீதும் திடீர் தாக்குதலை தொடுத்துள்ளனர். தாக்குதலில் பள்ளிவாசலின் முகப்பில் அமைக்கப்பட்டுள்ள கண்ணாடி உடைந்து சேதமடைந்துள்ளது. அதேபோல் தேவாலயத்தின் முகப்பு பகுதியும் சேதமடைந்துள்ளது. ஒரே நேரத்தில் பள்ளிவாசல் மீதும், தேவாலயத்தின் மீதும் தாக்குதல் நடத்திருப்பது பெரும் பரப்பரப்பை ஏற்படுத்தியுள்ளது.

இதுதொடர்பாக பள்ளிவாசல் மற்றும் தேவாலயம் நிர்வாகத்தினர் பட்டுக்கோட்டை காவல்நிலையத்தில் தனித்தனியே புகார் அளித்துள்ளனர். தாக்குதல் நடத்திவிட்டு தப்பியோடிய மர்ம நபர்கள் குறித்து போலீசார் விசாரணை மேற்கொண்டு வருகிறார்கள்.