வகுப்பு தோழர்களை தேடும் சென்னை புதுக்கல்லூரியின் அதிரை மாணவர் !

அதிரை நியூஸில் கடந்த [ 24-12-2014 ] அன்று 'வகுப்பு தோழர்களை தேடும் வாய்க்கால் தெரு பள்ளிக்கூட 1978 ம் ஆண்டு மாணவர்!' என்ற தலைப்பில் செய்தி பதியப்பட்டது. செய்தியின் அடிக்குறிப்பில் அதிரை நியூஸ் வாசகர்கள் உள்ளூர் அல்லது வெளியூரில் அமைந்துள்ள தொடக்கப்பள்ளி - நடுநிலைப்பள்ளி - மேல்நிலைப்பள்ளி - மெட்ரிக் பள்ளி - கல்லூரி ஆகியவற்றில் கல்வி பயின்றபோது எடுத்த புகைப்படங்களை எங்கள் மின் அஞ்சல் முகவரிக்கு அனுப்பித்தந்தால் தளத்தில் உடனடியாக பதியப்படும் என குறிப்பிட்டோம்.

இந்நிலையில் மேலத்தெருவில் உள்ள 'சூனா வீட்டு பள்ளிக்கூடம்' என அழைக்கப்படும் ஊராட்சி ஒன்றிய நடுநிலைப்பள்ளியில் கடந்த 1968 ம் ஆண்டு தொடக்க பள்ளியாக இருந்த போது கல்வி பயின்ற சக மாணவர்கள் ஆண்டு இறுதியில் வகுப்பு ஆசிரியருடன் ஒன்றிணைந்து படம் எடுத்துக்கொண்டனர்.

அதே போல் சென்னை நியூ கல்லூரியில் கடந்த 1978 ம் ஆண்டு வணிகவியல் பிரிவு மாணவர்கள் ஆண்டு இறுதியில் அன்றைய தமிழக முதல்வர் காலஞ்சென்ற எம்ஜிஆருடன் இணைந்து புகைப்படம் எடுத்துக்கொண்டனர்.

இந்த இரண்டு கருப்பு - வெள்ளை படங்களில் அதிரை மேலத்தெருவில் வசிக்கும் 'தொழில் அதிபர்' ஹாஜி நஜ்முதீன் அவர்கள் இடம்பெற்றுள்ளார். தன்னோடு படித்த தோழர்கள் குறித்த தகவலை அறிய ஆவலாக இருப்பதாக கூறினார்.

இந்த இரண்டு படங்களில் இடம்பெற்றுள்ள சிறுவர்கள் - இளைஞர்கள் தற்போது 50 - 55 வயது மதிக்கதக்க பெரியவர்களாக பல்வேறு நாடுகளில் பணிபுரிபவர்களாகவும், கல்வியாளர்களாகவும், விவசாயிகளாகவும், தொழில் அதிபர்களாகவும், சமூக ஆர்வலர்களாகவும் இருப்பார்கள் என நம்புவோம்.

இந்த படத்தில் நீங்கள் இடம்பெற்றிருந்தால் கருத்துரை பகுதியில் தெரியப்படுத்தவும். மேலும் அதிரை நியூஸ் வாசகர்களாகிய நீங்கள் நமதூர் அல்லது வெளியூரில் அமைந்துள்ள தொடக்கப்பள்ளி - நடுநிலைப்பள்ளி - மேல்நிலைப்பள்ளி - மெட்ரிக் பள்ளி - கல்லூரி ஆகியவற்றில் கல்வி பயின்றபோது எடுத்த புகைப்படங்களை எங்கள் மின் அஞ்சல் முகவரிக்கு அனுப்பித்தந்தால் தளத்தில் உடனடியாக பதியப்படும்.