'மாமேதை' அப்துல் கலாம் குடும்பத்தினருடன் அதிரை சேர்மன் சந்திப்பு !

மறைந்த மாமேதை முன்னாள் குடியரசுத் தலைவர் டாக்டர் அப்துல் கலாம் அவர்களின் ஜனாஸா அவரது சொந்த ஊரான ராமேஸ்வரத்தில் கடந்த [ 30-07-2015 ]அன்று நல்லடக்கம் செய்யப்பட்டது. மாமேதை அப்துல் கலாம் அவர்களின் இறுதி நிகழ்ச்சியில் பங்கேற்பதற்காக இந்தியா முழுவதும் லட்சக்கணக்கான பொதுமக்கள் இராமேஸ்வரத்தில் உள்ள அப்துல் கலாம் இல்லத்திற்கு வந்து இருந்தனர்.

இந்நிலையில் அதிரை பேரூராட்சி தலைவர் எஸ்.ஹெச் அஸ்லம் தலைமையில், கனடா முகைதீன், பஜல், அக்பர், அனஸ், ரஹ்மத்துல்லாஹ், ரெட் கிராஸ் அதிரை சேர்மன் 'மரைக்கா' இத்ரீஸ் ஆகியோர் இராமேஸ்வரத்தில் உள்ள 'மாமேதை' அப்துல் கலாம் அவர்களின் இல்லத்திற்கு நேரடியாக சென்று அங்கு அவரது மூத்த சகோதரர் முத்து மீரா மரைக்காயர், அவரது பேரன் சேக் சலீம் மற்றும் குடும்பத்தினரை சந்தித்து ஆறுதல் கூறினர். மேலும் அப்துல் கலாம் இல்லத்தில் உள்ள 'மிஷன் ஆப் லைஃப்' கண்காட்சியை ஆர்வத்துடன் பார்வையிட்டனர். மாமேதை நிகழ்த்திய சாதனைகளை ஒவ்வொன்றாக மெய் மறந்து ரசித்தனர். இதைதொடர்ந்து உடல் நல்லடக்கம் செய்யப்பட்ட இடத்திற்கு சென்று பார்வையிட்டனர்.