மரக்கன்று நடும் பழக்கத்தை மறக்காத மக்கள் கவுன்சிலர் !

அதிராம்பட்டினம், அக்-02
அதிரை பேரூராட்சி 15 வது வார்டு முன்னாள் கவுன்சிலரும், பொதுமக்களால் 'மக்கள் கவுன்சிலர்' என அழைக்கப்படும் அப்துல் லத்திப். கிடைக்கும் நேரங்களை பயனுள்ள வகையில் பொதுநல சேவைகளில் தன்னை முழுமையாக ஈடுபடுத்தி வருகிறார்.

அதிரை மற்றும் சுற்றுவட்டார பகுதியின் சுற்றுச்சூழல் பாதுகாப்பு, பசுமை உள்ளிட்டவற்றை வலியுறுத்தி மரக்கன்றுகள் நடும் பணியில் தொடர்ந்து ஈடுபட்டு வருகிறார். கடந்த சில ஆண்டுகளில் பல நூறு மரக்கன்றுகளை நட்டுள்ளார். குறிப்பாக பள்ளிக்கூடங்களுக்கு அதிக மரக்கன்றுகள் வழங்கி உள்ளார்.

எவ்வித பிரதிபலனையும் எதிர்பார்க்காமல் இவர் ஆற்றி வரும் பொதுநலப் பணியை பொதுமக்கள் வெகுவாக பாராட்டி வருகின்றனர்.