பட்டுக்கோட்டை டி.எஸ்.பிக்கு பிடிவாரண்டு !

தஞ்சை மாவட்டம் பட்டுக்கோட்டை துணை போலீஸ் சூப்பிரண்டாக இருப்பவர் செல்லப்பாண்டியன். இவர் கடந்த 2009–ம் ஆண்டு நாமக்கல் மாவட்டம் புதுச்சத்திரம் போலீஸ் நிலையத்தில் இன்ஸ் பெக்டராக பணியாற்றினார். அப்போது வழக்கு ஒன்றை பதிவு செய்தார்.

இந்த வழக்கு விசாரணை நாமக்கல் இரண்டாவது ஜூடிசியல் மாஜிஸ்திரேட்டு கோர்ட்டில் நடந்து வந்தது. இந்த வழக்கு விசாரணைக்கு அவர் கடந்த 3 ஆண்டுகளாக ஆஜராகவில்லை.

கடந்த மாதம் 25–ந் தேதி இந்த வழக்கு விசாரணை நடந்த போதும் அவர் கோர்ட்டுக்கு வரவில்லை. இதனால் டி.எஸ்பி செல்லப்பாண்டியனை கைது செய்து ஆஜர் படுத்தும்படி நேற்று நாமக்கல் இரண்டாவது ஜூடிசியல் கோர்ட்டு மாஜிஸ்திரேட்டு பிடிவாரண்டு பிறப்பித்து உத்தரவிட்டார். பிடிவாரண்டு நகலுடன் புதுச்சத்திரம் போலீசார் பட்டுக்கோட்டைக்கு விரைந்து உள்ளனர்.