சேக்கனா நிஜாமின் சேவையை பாராட்டி 'சேவைச் செம்மல் விருது' !

அதிரையில் நேற்று லயன்ஸ் சங்கம் சார்பில் ஏற்பாடு செய்யப்பட்ட விழாவில் சிறந்த சாதனையாளர்களுக்கு விருதுகள் வழங்கி கெளரவிக்கப்பட்டது. இதில் 'அதிரையில் தகவல் தொடர்புத்துறையில் இணையத்தில் நம் பகுதியில் நடைபெறும் அனைத்து செய்திகளையும் உடனுக்குடன் எவ்வித பாரபட்சமின்றி ஜாதி, மத பாகுபாடின்றி அனைவரும் தெரிந்துகொள்ள சிறந்த முறையில் இணையத்தள செய்தியாளராக பணியாற்றிவருகிறார்' என்ற அடிப்படையில் அதிரை நியூஸின் நிறுவனரும், பிராதான செய்தியாளருமாகிய சேக்கனா நிஜாம் அவர்களுக்கு சிறப்பு விருந்தினராக கலந்துகொண்ட லயன்ஸ் சங்க மாவட்ட ஒருங்கிணைப்பாளர் H. சேக்தாவூது மற்றும் லயன்ஸ் சங்க மாவட்ட, வட்டார, நகர பொறுப்பாளர்கள் முன்னிலையில் 'சேவைச் செம்மல் விருது' வழங்கி கெளரவிக்கப்பட்டது.

மேலும் இவ்விழாவில் சிறப்பான சேவை செய்துவரும் சமூக ஆர்வலர்களுக்கு சேவை விருதுகள் வழங்கி கெளரவிக்கப்பட்டது. இதில் தமுமுகவின் ஆம்புலன்ஸ் சேவைக்காக நகர தமுமுக தலைவர் A.R. சாதிக் பாட்சா, அரசு மருத்துவமனையில் 24 மணி நேர பிரத பரிசோதனை சேவை செய்துவரும் திருநங்கை ஷில்பா, சமூக சேவையாற்றி வரும் புதுதெருவை சேர்ந்த 'சமூக ஆர்வலர்' முஹம்மது ஆரிப் ஆகியோருக்கு வழங்கப்பட்டது.

சிறந்த சேவைக்காக விருதுகள் பெற்ற சாதனையாளர்களுக்கு அதிரை நியூஸ் குழுவின் சார்பில் பாராட்டுதலையும் - வாழ்த்துகளையும் அன்புடன் தெரிவித்துக்கொள்கிறோம். மேலும் உங்களின் தன்னலமற்ற பொதுநலச்சேவை தொய்வின்றி தொடர்ந்திட வல்ல இறைவனிடம் இறையஞ்சுகிறோம்.

அதிரை நியூஸ் குழு