ஹாஜி சாருடன் காதிர் முகைதீன் மேல்நிலைப்பள்ளியின் முன்னாள் மாணவர்கள் சந்திப்பு !

நமதூர் காதிர் முகைதீன் ஆண்கள் மேல்நிலைப்பள்ளியில் கடந்த 32 ஆண்டுகளுக்கும் மேலாக கல்வி பணி ஆற்றி சமீபத்தில் ஓய்வு பெற்ற முதுகலை ஆசிரியர் ஹாஜி முஹம்மது அவர்கள் தற்போது தனியார் கல்வி நிறுவனத்தில் முதல்வராக பணியாற்றி வருகிறார்.

இந்நிலையில், தனது முன்னாள் மாணவரின் திருமணம் நிகழ்ச்சியில் கலந்துகொள்வதற்காக இன்று காலை அதிரைக்கு வருகை தந்தார். தகவலறிந்த இவரிடம் கல்வி பயின்ற முன்னாள் மாணவர்கள் பலர் ஆசிரியரை நேரடியாக சந்தித்து நலம் விசாரித்து வாழ்த்துகளை பரிமாறிக்கொண்டனர்.

தம்மை சந்தித்த ஒவ்வொரு மாணவரிடமும் தற்போது பயின்று வரும் கல்வி நிலவரம் குறித்து ஆர்வத்துடன் கேட்டறிந்தார். மாணவர்கள் அனைவரும் ஆசிரியருடன் ஒன்றாக புகைப்படங்கள் எடுத்துக்கொண்டனர். இந்த நிகழ்வை பார்வையிட்ட அனைவரும் வியப்பில் ஆழ்ந்தனர்.