அதிரை ஜும்மா பள்ளிகளில் கல்வித்தந்தை பி எஸ் அப்துல் ரஹ்மான் அவர்களுக்கு காயிப் ஜனாஸா தொழுகை !

மறைந்த கல்வித்தந்தையும், பிரபல தொழில் அதிபருமான அல்ஹாஜ் பி.எஸ். அப்துர் ரஹ்மான் அவர்களின் மறைவிற்கு இரங்கல் தெரிவித்து இன்று அதிரையில் நடைபெற்ற ஜும்மா தொழுகைக்கு பிறகு காயிப் ஜனாஸா தொழுகை நடத்தப்பட்டது.

ஆலடி தெரு முகைதீன் ஜும்மா பள்ளியில் நடைபெற்ற காயிப் ஜனாஸா தொழுகைக்கு முன்னதாக பேராசிரியர் முஹம்மது அப்துல் காதர் அவர்கள் மறைந்த கல்வித்தந்தை ஆற்றிய தொண்டு குறித்தும், நமதூருக்கும் கல்விதந்தைக்குமான உறவு உள்ளிட்டவற்றை எடுத்துரைத்தார்.

அதேபோல் அதிரை பெரிய ஜும்மா பள்ளி உள்ளிட்ட அதிரையின் ஏனைய ஜும்மா பள்ளிகளிலும் காயிப் ஜனாஸா தொழுகை நடத்தப்பட்டதாக கூறப்படுகிறது. தொழுகையில் அதிரையர் கலந்து கொண்டு மறைந்த பெரியவருக்காக  இறை வேண்டுதல் செய்து தங்கள் இரங்கலைத் தெரிவித்துக்கொண்டனர்