ஆம்னி பேருந்து கவிழ்ந்து விபத்து: சென்னை சென்ற அதிரையர் பரிதாப பலி !

அதிரையிலிருந்து நேற்று இரவு தனியாருக்கு சொந்தமான ஆம்னி பேருந்து 23 பயணிகளை ஏற்றிக்கொண்டு சென்னையை நோக்கி பயணமானது. பேருந்து திருப்போரூர் அடுத்து தந்தனம் என்ற கிராமத்தின் அருகே வந்தபோது சாலையின் குறுக்கே திடீரென புகுந்த மாட்டின் மீது பேருந்து மோதியதில் அருகில் உள்ள பள்ளத்தில் கவிழ்ந்து விபத்துக்குள்ளானது. இதில் பயணமான செட்டித்தெரு காசியார் வீட்டை சேர்ந்த அப்துல் கறீம் (வயது 55 ) சம்பவ இடத்திலேயே பரிதாபமாக பலியானார். இறந்த உடல் ஆம்புலன்ஸ் மூலம் செங்கல்பட்டு அரசு மருத்துவமனைக்கு கொண்டு செல்லப்பட்டது. பிரத பரிசோதனைக்கு பிறகு உடல் உறவினர்களிடம் ஒப்படைக்கப்படும் என எதிர்பார்க்கப்படுகிறது. காயமடைந்த மற்ற பயணிகளுக்கு மருத்துவமனையில் தீவிர சிகிச்சை அளிக்கப்பட்டு வருகிறது. விபத்து குறித்து போலீஸார் விசரித்து வருகின்றனர். அதிகாலையில் நிகழ்ந்த விபத்தால் அப்பகுதியில் பெரும் சோகம் நிலவியது.