அதிராம்பட்டினத்தில் மின்சாரம் தாக்கி மின்வாரிய ஊழியர் படுகாயம்!

மின்வாரிய ஊழியர் சேகர் 

அதிராம்பட்டினம், டிச.06
தஞ்சாவூர் மாவட்டம், அதிராம்பட்டினத்தை சேர்ந்தவர் சேகர் (வயது 52). மின்வாரிய ஊழியர். பிள்ளைமார் தெருவில் அமைந்துள்ள மின் மாற்றியில் மின்சாரம் பழுது பார்க்கும் பணியை மேற்கொண்டிருந்த போது மின்சாரம் தாக்கி தூக்கி வீசப்பட்டார். இதில், படுகாயமடைந்த அவரை பொதுமக்கள் மீட்டு பட்டுக்கோட்டை அரசு மருத்துவமனைக்கு அனுப்பி வைத்தனர். அங்கு முதலுதவி சிகிச்சை அளிக்கப்பட்டது. பின்னர், உயர் சிகிச்சைக்காக திருச்சி தனியார் மருத்துவமனையில் அனுமதிக்கப்பட்டுள்ளார். அங்கு, அவருக்கு தீவிர சிகிச்சை அளிக்கப்பட்டு வருகிறது. இவருக்கு மனைவி, ஒரு மகன், மகள் உள்ளனர்.