அதிரை காதிர் முகைதீன் கல்லூரி எதிரே ஏற்பட இருந்த பெரும் விபத்து தவிர்ப்பு !

இன்று [ 03-08-2013 ] காலை 9.15 மணியளவில் அதிரை காதிர் முகைதீன் கல்லூரி எதிரே ஏற்பட இருந்த பெரும் விபத்து தவிர்க்கப்பட்டது.

சேது பெருவழிச்சாலையில் அதிரை காதிர் முகைதீன் கல்லூரிக்கு எதிரே செல்லும் பிரதான மின்கம்பி எதிர்பாராத விதமாக அறுந்து விழுந்தது. இதைப்பார்த்த அப்பகுதி மக்கள் பெரும் அதிர்ச்சியடைந்தனர்.

தகவலறிந்த அதிரை மின்சார வாரிய ஊழியர்கள் அறுந்து தொங்கிய மின்கம்பியை சரிசெய்தனர்.  இதனால் இப்பகுதி முழுவதும் பரபரப்பாக காணப்பட்டதுடன் மின் இணைப்பும் துண்டிக்கப்பட்டிருந்தது. மேலும் இப்பகுதியில் நிகழ இருந்து பெரும் விபத்து துரித நடவடிக்கையால் தவிர்க்கப்பட்டது.

சம்பவத்தை நேரில் பார்த்த பொதுமக்கள் கூறுகையில்...
மின்கம்பிகள் எதிர்பாராத வகையில் அறுந்து கீழே விழும் நிகழ்வுகள் அதிரையில் அடிக்கடி நடைபெறுகின்றன. அனைத்து பகுதிகளிலும் மின்சார வாரிய ஊழியர்கள் அவ்வப்போது ஆய்வுகள் மேற்கொள்ளுதல் மற்றும் சாலையின் குறுக்கே செல்லும் மின்கம்பிகள் கீழே விழாதவாறு வலைகளை [ Mesh ] ஏற்படுத்துதல் ஆகியவற்றை செயல்படுத்தினால் இதுபோன்ற எதிர்பாராத விபத்துகளை தவிர்க்க இயலும் என்கின்றனர்.