ஊழியர்களின் வேலை நிறுத்தத்தால் அதிரையில் மத்திய வங்கிகள் இயங்கவில்லை !

விலைவாசி உயர்வுக்கு ஏற்ப 25 சதவீத ஊதிய உயர்வு வழங்க வேண்டும். மருத்துவ உதவிகளை மேம்படுத்த வேண்டும். வரையறுக்கப்பட்ட வேலை நேரத்தை கொண்டு வருவதுடன் வாரம் 5 நாட்கள் வேலை திட்டத்தையும் அமல்படுத்த வேண்டும், ஓய்வூதிய திட்டத்தையும், குடும்ப ஓய்வூதிய திட்டத்தையும் மேம்படுத்த வேண்டும். காலிப்பணியிடங்களை நிரப்ப வேண்டும்  உள்பட பல்வேறு கோரிக்கைகளை வலியுறுத்தி, நாடு முழுவதும் வங்கி ஊழியர்கள் இன்று ஒரு நாள் வேலை நிறுத்த போராட்டத்தில் ஈடுபடுகின்றனர்.  இந்த வேலை நிறுத்த போராட்டத்தில் நாடு முழுவதிலும் இருந்து 10 லட்சம் பேரும்,  தமிழகத்தில் உள்ள 67 ஆயிரம் வங்கி கிளைகளில் பணிபுரியும் சுமார் 2 லட்சம்  பேரும் பங்கேற்கின்றனர்.

இதனால் அதிரையில் இயங்கும் மத்திய வங்கிகள் இன்று மூடப்பட்டிருந்தது. வங்கியில் பணம் எடுப்பது, செலுத்துவது உள்ளிட்ட இதர பணிகளும், வர்த்தக நடவடிக்கைகளும் பாதிக்கப்பட்டிருந்தன.