புதுப்பொலிவுடன் செக்கடி மேடு ரேஷன் கடை !

செக்கடிமேடு பகுதியில் அமைந்துள்ள ரேஷன் கடையில் இப்பகுதியினர் ரேஷன் பொருட்களை வாங்கி செல்கின்றனர். பிரதான சாலையின் அருகில் அமைந்துள்ளதால் எந்நேரமும் பரபரப்பாக காணப்படும். பெண்கள் கூட்டமும் அதிமாக காணப்படும்.

இந்த ரேஷன் கடையின் முகப்பு பகுதி திறந்த நிலையிலேயே காணப்பட்டு வந்தது. இதனால் இரவு நேரங்களில் வீதிகளில் சுற்றி திரியும் ஆடு மாடுகள் மலம், சிறுநீர் கழித்து விடுவதால் துர்நாற்றம் வீசி வந்தது. கடை அடைக்கப்பட்ட நேரங்களில் சிலர் வாகனங்களை நிறுத்தி வைப்பது உண்டு.

இந்நிலையில் செக்கடி பள்ளி நிர்வாக கமிட்டியின் சார்பில் ரேஷன் கடையின் வளாகத்தில் யாரும் உள்ளே செல்லாதவாறு முகப்பு பகுதியை சுற்றி இரும்பிலான கேட் பொறுத்தும் பணி மும்முரமாக நடைபெற்று வருகிறது. இந்த பணியால் இன்று ரேஷன் கடை இயங்காது என அறிவிக்கப்பட்டுள்ளது.

கேட் பொருத்தும் பணியை இப்பகுதியை சேர்ந்த பலர் பாராட்டினாலும், சிலருக்கு அதிருப்தியை ஏற்படுத்தியுள்ளது. குறிப்பாக 'நெருக்கடியான இடத்தை சுற்றி அடைத்து வைத்திருப்பதால் போதுமான இடவசதி கிடைக்காது என்றும், ரேஷன் பொருட்களை வாங்க வரும் பெண்கள் நீண்ட வரிசையில் சாலையில் வந்து நிற்க வேண்டிய சூழல் ஏற்படும். இதனால் இப்பகுதியில் வாகன நெருக்கடி ஏற்படும்' என கூறுகின்றனர்.