செக்கடி மேடு நண்பர்கள் ஹஜ்ரத்தை சந்தித்து நலம் விசாரிப்பு !

அதிரை காதிர் முகைதீன் ஆண்கள் மேல்நிலைப்பள்ளியில் கடந்த 1984 ம் ஆண்டு முதல் 2008 ம் ஆண்டு வரை 24 ஆண்டுகள் மாணவர்களுக்கு 'நீதி போதனையை' கற்பிக்கும் ஆசிரியராக பணிபுரிந்து வந்தவர் என்.எஸ் ஜமால் முஹம்மது ( வயது 74 ). 'ஹஜரத்' என அனைவராலும் அன்புடன் அழைக்கப்படுபவர்.

இவர் குறித்த செய்தி கடந்த [ 05-01-2015 ] அன்று 'தோள் கொடுப்போம் நம்ம ஹஜரத்துக்கு ! என்ற தலைப்பில் அதிரை நியூஸில் பதிவிடப்பட்டது. இந்த பதிவை பார்வையிட்ட பல்வேறு நாடுகளில் பணிபுரிந்து வரும் பாசமிகு மாணவர்கள் பலர் இவரது உடல் நிலை குறித்து அலைப்பேசியில் வாயிலாகவும், இவரது இல்லத்திற்கு நேரடியாக சென்றும் நலம் விசாரித்து வருகின்றனர்.

இந்நிலையில் இன்று காலை நமதூர் செக்கடி மேடு நண்பர்கள் ஹஜரத்தை சந்தித்து நலம் விசாரிப்பதற்காக முத்துப்பேட்டையில் உள்ள அவரது இல்லத்திற்கு சென்றனர். அங்கு ஹஜரத்தை சந்தித்து நலம் விசாரித்துவிட்டு, ஒரு சிறு தொகையை உதவியாக அவரிடம் வழங்கினார்கள். நிதிஉதிவியை பெற்றுக்கொண்ட ஹஜரத் இவர்களுக்காக துஆ செய்தார். அப்போது முத்துப்பேட்டை வசிக்கும் 'சமூக ஆர்வலர்' சுனா ஈனா என்கிற சுல்தான் இப்ராஹீம் அவர்கள் உடனிருந்தார்.

சந்திப்பின் போது அதிரையிலிருந்து மருத்துவர் ஹனீப் அவர்களின் புதல்வர் மருத்துவர் ஹாஜா ஷரீப் அவர்கள் அலைப்பேசியில் தொடர்பு கொண்டு ஹஜரத்தின் உடல்நிலை குறித்து நலம் விசாரித்தார்.