செடியன்குளம்: செவிடன் காதில் ஊதிய சங்கா ?

பாரம்பரியமும் பயன்பாடும் மிக்க செடியன்குளம் பாலைவனமாக பல வருடங்கள் வறண்டு கிடந்த நிலையில் இறைவனின் அருட்கொடையான இந்த வருட மழையாலும், ஆற்று நீராலும் மீண்டும் நிரம்பி வழிந்தது.

நீர் நிறைந்த செடியன்குளம் குறித்தும் அதிலிருந்து வீணாக வெளியேறிவரும் நீர் குறித்து எச்சரித்தும் உடனடியாக நடவடிக்கைகள் மேற்கொள்ள பொதுவான கோரிக்கை ஒன்றையும் 'கானல் நீராகும் செடியன்குளம்' என்ற நமது முந்தைய பதிவில் தெரிவித்திருந்தோம் என்றாலும் இதுநாள் வரை எத்தகைய பாதுகாப்பு ஏற்பாடுகளோ மராமத்து பணிகளோ செய்யப்படாமல் இதுவரையில் பல லட்சம் லிட்டர் நீர் வெளியேறி மீண்டும் ஒரு பலைவனமாக மாறிவிடுமோ என்ற அச்சத்தை ஏற்படுத்தியுள்ளது.

ஏற்கனவே குளத்தை சுற்றியுள்ள வீடுகளில் பொருத்தப்பட்டுள்ள மோட்டார்கள் மூலம் நிலத்தடி நீர் உறிஞ்சப்பட்டு வரும் நிலையில் இப்படி சம்பந்தப்பட்டவர்களும் கண்டுகொள்ளாமல் இருப்பது மீண்டும் டேங்கர் லாரிகளில் காசு கொடுத்து தண்ணீர் வாங்கும் நிலைக்கு மக்களை தள்ளிவிடும் என எச்சரிக்கின்றோம். ஏனெனில் இங்கே நமது பொடுபோக்குத்தனத்தால் வீணடிக்கப்படுவது வெறும் நீரல்ல இறைவனின் அருட்கொடை என்பதை நினைவூட்டுகின்றோம்.

அக்கறையுள்ள யாராவது முன்வாருங்கள் என அன்புடன் அழைக்கின்றோம்.

அதிரை நியூஸ் குழு

குளத்திலிருந்து கசிந்து வீணாக வெளியேறும் தண்ணீர்