32 ஆண்டுகளுக்கு பிறகு தாயகம் திரும்ப இருந்த இந்தியர் அபுதாபி விமான நிலையத்தில் மரணம் !

கேரளா மாநிலம், திரூர் வைலத்தூர் பகுதியை சேர்ந்தவர் சாகுல் ஹமீது ( வயது 58 ). அமீரகத்தில் கடந்த 35 ஆண்டுகளுக்கும் மேலாக வசித்து வந்த இவர் அல் அயின் பகுதியில் சிறிய உணவகத்தை நடத்தி வந்தார். இந்நிலையில் 32 ஆண்டுகளுக்கு பிறகு தாயம் திரும்ப முடிவு செய்த இவர் கடந்த சனிக்கிழமை அன்று அபுதாபி விமான நிலையத்திற்கு சென்றார். அங்கு வழியனுப்பவதற்காக வருகை தந்த உறவினர்கள் - நண்பர்களை பார்த்து மகிழ்ச்சியுடன் கையசைத்து விட்டு விமான நிலையத்தின் உள்ளே சென்றார்.

உள்ளே சென்ற சில நிமிடங்களில் கேரளா மாநிலம், கோழிக்கோடு விமானம் நிலையத்திற்கு பயணமாக கையில் போர்டிங் பாஸ்ஸுடன் தயார் நிலையில் இருந்தபோது திடீரென மாரடைப்பு ஏற்பட்டு அபுதாபி விமான நிலையத்திலேயே இவரது உயிர் பிரிந்தது. இறந்த உடல் கலீபா மருத்துவமனைக்கு எடுத்துச்செல்லப்பட்டது. இவருக்கு ஷஜீலா, ஷம்சீலா, ஷம்சாத் என்ற மூன்று மகள்கள் உள்ளனர்.

32 ஆண்டுகளுக்கு பிறகு மகிழ்ச்சியுடன் தாயகம் திரும்ப இருந்த இவரது இறப்பு உறவினர்கள், நண்பர்கள் வட்டத்தில் பெரும் அதிர்ச்சியையும், சோகத்தையும் ஏற்படுத்தியுள்ளது.

செய்தி தொகுப்பு: அதிரை நியூஸ்
Source: emirates247