அதிரை மாணவிகளுக்கு அமீரகத்தில் பரிசு !

துபையில் கடந்த 3 நாட்களாக ( பிப் 4,5,6) அல் குர் ஆன் மாநாடு 2016 அல் மனார் சென்டரில் நடந்தது , இதில் உரைகள் , பயிலரங்கம் , போட்டிகள் , கண்காட்சிகள் , ஆலோசனை மையங்கள் இடம் பெற்றன .  இதற்காக இஸ்லாமிய அறிஞர்கள்  இந்தியாவிலிருந்தும் , இலங்கையிலிருந்தும் வந்தனர் .

இதன் ஒரு பகுதியான பேச்சுப்போட்டியில் அதிரை மேலத்தெரு அப்துல் ஹாதியின் மகள் சுமையா அப்துல் ஹாதி இரண்டாம் பரிசை தட்டி சென்றார் . அவரின் ஆங்கில உரையை அனைவரும் பாராட்டினர். இவரின் இரண்டாம் மகள் ஆய்ஷா அப்துல் ஹாதியும் ஆங்கிலத்தில் பேசினார் இவருக்கு பங்களிப்பிற்கான சான்றிதல் கிடைத்தது.

பிரத்யோமாக பெண்கள் பகுதியில் அமைக்கப்பட்டிருந்த மேடையில் அப்துல் ஹாதியின் மகன் முஹம்மது ஈசா அப்துல் ஹாதி தன் தாயுடன் சென்று கிராத் ஓதி  அனைவரையும் ஆச்சரியத்தில் ஆழ்த்தி அவர்களின் துவாக்களை பெற்று சென்றார் .