தொடர் மழையால் செடியன் குளத்திற்கு மழைநீர் வரத்து அதிகரிப்பு !

கடந்த சில வாரங்களாக அதிரை மற்றும் சுற்று வட்டார பகுதிகளில் பெய்த தொடர் மழையால் செடியன் குளத்திற்கு தண்ணீர் வர துவங்கியுள்ளது. தொடர்ந்து மழை நீடித்து பெய்தால் இன்னும் சில தினங்களில் தண்ணீர் நிரம்பி விடும் என கூறப்படுகிறது. குளத்திற்கு மழைநீர் சீராக செல்வதற்காக வாய்க்காலில் ஆங்காங்கே ஏற்பட்டுள்ள அடைப்புகள் சரி செய்யப்பட்டு வருகின்றன. இந்த பணிகளில் இப்பகுதி இளைஞர்கள் ஈடுபட்டு வருகின்றனர். தற்போது குளத்தில் குளிக்கும் அளவில் போதுமான தண்ணீர் காணப்படுகிறது. இதில் அதிரையர்கள் தினமும் ஆர்வத்துடன் குளித்து வருகின்றனர்.