அதிரை சமூக ஆர்வலர்கள் மாவட்ட ஆட்சியரை சந்தித்து கோரிக்கை வைப்பு !

அதிரையில் வறண்டு காணப்படும் குளங்களுக்கு நீர்ஆதாரத்தை கொண்டு வருவது தொடர்பாக கடந்த [ 12-12-2013 ] அன்று அதிரை பைத்துல்மால் அலுவலகத்தில் கூட்டப்பட்ட முதல் கூட்டத்தில் அதிரையில் வசிக்கும் பெரும்பாலான சமூக ஆர்வலர்கள் கலந்துகொண்டு மக்கள் நலன் சார்ந்த பிரச்சனையை எவ்வாறு இணைந்து போராடலாம் ? இந்த பிரச்சனையை எந்த முறையில் அரசின் கவனத்துக்கு எடுத்துச்செல்லலாம் ? என்பது குறித்து ஆலோசிக்கப்பட்டது. அதில் 15 பேரைக்கொண்ட குழுவினர்கள் நியமிக்கப்பட்டு திங்கட்கிழமை அன்று மாவட்ட ஆட்சியரை சந்தித்து முறையிடுவார்கள் என முடிவு செய்யப்பட்டது.

அதன்படி இன்று காலை 7.30 மணியளவில் அதிரை பேரூராட்சியின் அலுவலகத்திலிருந்து அதிரை பேரூராட்சி தலைவர் அஸ்லம் அவர்களின் தலைமையில் சமூக ஆர்வலர்கள் ஜமீல் M. சாலிஹ், முத்துசாமி, சுப்பிரமணியன், முஹம்மது அப்துல்லா, அஹமது அமீன், அனஸ், தமீம் அன்சாரி, வீரையன், அன்வர் அலி, வாப்பு மரைக்காயர், ராவுத்தர், மு.க.செ. அபுல் ஹசன், கவுன்சிலர்கள் முஹம்மது செரீப், செய்யது, அதிரை நியூஸ் சாகுல் ஹமீது உள்ளிட்ட ஏனைய சமூக ஆர்வலர்களைக் கொண்ட குழுவினர்கள் இரு வாகனங்களில் தஞ்சைக்கு புறப்பட்டு சென்றனர்.

தஞ்சை வந்தடைந்த இவர்கள் நேரடியாக மாவட்ட ஆட்சியரை சந்தித்து கோரிக்கை மனுவை அளித்தனர். மனுவை பெற்றுக்கொண்ட ஆட்சியர் அவர்கள் இக்கோரிக்கையை பரிசீலிப்பதாகக் கூறினார். 

கோரிக்கை மனுவில் கூறியிருப்பதாவது...

இதைத்தொடர்ந்து தஞ்சை பாராளுமன்ற உறுப்பினரும், முன்னாள் மத்திய இணையமைச்சாருமாகிய S.S. பழனிமாணிக்கம் MP அவர்களின் இல்லத்திற்கு சென்று கோரிக்கை மனுவை அளித்தனர்.

இதைத்தொடர்ந்து மாவட்ட பேரூராட்சிதுறை அலுவலர் [ AD ] அவர்களை சந்தித்து கோரிக்கை மனுவை அளித்தனர்.