அதிரையில் வழக்கறிஞர் அப்துல் முனாப், பேராசிரியர் செய்யது அஹமது கபீர், வட்டார சுகாதார மேற்பார்வையாளர் விவேகானந்தன் ஆகியோருக்கு சாதனையாளர் விருது !

முத்தமிழ் அறிவியல் மன்ற பொதுச்செயலாளர் காந்தி லெனின் சார்பில் தமிழகத்தின் பல்வேறு துறைகளை சார்ந்த பல்வேறு சேவையாளர்கள் விருது வழங்க தேர்தெடுக்கப்பட்டனர். இதற்கான அறிவிப்பு வெளியிடப்பட்டது. இதையடுத்து முத்தமிழ் அறிவியல் மன்றம் சார்பில் அதிரை லாவண்யா திருமண மகாலில் ஏற்பாடு செய்யப்பட்ட விழாவில் அதிரை மற்றும் சுற்றுவட்டார பகுதிகளை சேர்ந்த 6 சாதனையாளர்களுக்கு விருதுகள் வழங்கி கெளரவிக்கப்பட்டது.

விழாவில் சிறப்பு விருந்தினராக கலந்து கொண்ட மாவட்ட தமிழ் வளர்ச்சி துறை உதவி இயக்குனர் இராஜேந்திரன் கலந்துகொண்டு விருதுகளை வழங்கி பாராட்டு தெரிவித்தார். இதில் அதிரை காதிர் முகைதீன் கல்லூரியின் தமிழ்துறை பேராசிரியர் கா. செய்யது அஹமது கபீர் அவர்களின் பொதுப்பணி மற்றும் சமூக சேவையை பாராட்டி மனிதநேய காவலர் விருதும், அதிரையின் சமூக ஆர்வலரும், பிரபல வழக்கறிஞருமாகிய அ. அப்துல் முனாப் அவர்களுக்கு நீதியின் காவலர் விருதும், அரசு ஆரம்ப சுகாதார நிலையம் வட்டார சுகாதார மேற்பார்வையாளர் வ. விவேகானந்தன் அவர்களுக்கு தூய்மையின் காவலர் விருதும் வழங்கி கெளரவிக்கப்பட்டது.

நிகழ்ச்சி ஏற்பாடுகளை முத்தமிழ் அறிவியல் மன்ற அதிரை பொறுப்பாளர் அல் ஷனா மழலையர் பள்ளி இயக்குனர் எம்.ஐ நெய்னா முஹம்மது செய்து இருந்தார். இந்நிகழ்ச்சியில் முத்தமிழ் அறிவியல் மன்ற உறுப்பினர்கள் உள்ளிட்ட பலர் கலந்து கொண்டனர்.