தஞ்சை அருகே பேருந்து தலைகீழ் கவிழ்ந்து விபத்து ~ 31 பேர் காயம் (படங்கள்)

கும்பகோணத்திலிருந்து இன்று சனிக்கிழமை காலை 10.30 மணியளவில் தஞ்சாவூர் நோக்கி வந்துகொண்டிருந்த தனியார் பேருந்து, தஞ்சாவூர் ஒன்றியம், மாத்தூர் கிராமம் அருகே வந்த போது, கட்டுப்பாட்டை இழந்து மண்ணை நாராயணசாமி கல்லூரி எதிரே தலைகீழ் கவிழ்ந்து விபத்துக்குள்ளானது. இதில் பயணம் சென்ற 31பேர் காயமடைந்து, 18 பேர் தஞ்சை மருத்துவக்கல்லூரி மருத்துவமனையிலும், 12 பேர் அய்யம்பேட்டை அரசு மருத்துவமனையிலும், ஒருவர் தஞ்சை தனியார் மருத்துவமனையிலும் சிகிச்சை பெற்று வருகின்றனர்.

தஞ்சை மருத்துவக்கல்லூரி மருத்துவமனையில் சிகிச்சை பெற்று வருபவர்களை தஞ்சாவூர் மாவட்ட ஆட்சியர் ஆ. அண்ணாதுரை நேரில் பார்வையிட்டு ஆறுதல் கூறினார்.