மல்லிபட்டினம் கலவரம் தொடர்பாக கைதானோரின் விவரம் !

தஞ்சை பாராளுமன்ற தொகுதிக்கு உட்பட்ட சேதுபாவசத்திரம் ஒன்றியத்தின் கீழ்வரும் மல்லிபட்டினம் பகுதிகளில் வாக்கு சேகரிப்பதற்காக பிஜேபி சார்பில் வேட்பாளராக போட்டியிடும் கருப்பு (எ) முருகானந்தம் நேற்று தனது தொண்டர்களுடன் வருகை தந்தபோது ஏற்பட்ட கலவரத்தில் ஏராளமான பொருட் சேதத்துடன் பலரும் பாதிப்படைந்தனர்.

கலவரத்தின் தொடர்ச்சியாக நேற்று முன்தினம் இரவு மல்லிப்பட்டினம் மீன்பிடி துறைமுகத்தில் கடலுக்குள் நிறுத்தி வைக்கப்பட்டிருந்த விசைப்படகுகள் சேதப்படுத்தப்பட்டன. படகுகளுக்கு தீ வைத்து கொளுத்தப்பட்டுள்ளது. படகின் அடிப்பகுதியில் உள்ள நீரை வெளியேற்றும் குழாய்களை மர்ம நபர்கள் உடைத்து சேதப்படுத்தியுள்ளனர். இதனால் படகின் உள்ளே கடல்நீர் புகுந்து சுமார் 10-க்கும் அதிகமான விசைப்படகுகள் மூழ்கிவிட்டதாக பாதிக்கப்பட்ட மீனவர்கள் தெரிவித்தனர். 

இந்த கலவரம் தொடர்பாக இதுவரையில் மல்லிப்பட்டினம் ரகுமான்கான் (வயது 26), லாம்தீன் (30), முகமது மஜீது (32), சாகுல் ஹமீது (30), முகமது ஹபீஸ்(22), அபுபைதா (47), நவாப்கான் (37), சையது இப்ராம் (47), பசுலுல் ஹக் (67), ஹாஜா (36), பைசல்கான் (22), முகமது அஸ்கர் (26), இத்தியாக்அமீது (28), முகமது இர்பான் (28), நசுருதீன் (34), முகமது யாசின் (51), ரஸ்க்அல்லா (23), முகைதீன் சேக் (30), லுத்துபுல்லா (46) மற்றும் அதிராம்பட்டினத்தைச் சேர்ந்த பிஸ்மில்லாகான் (27) ரகுமத்துல்லா (30) ஆகியோர் ஒரு தரப்பிலும் மற்றொரு தரப்பில் மல்லிப்பட்டினம் ராமர்கோவில் தெருவை சேர்ந்த சுப்பிரமணியன் (60) சித்திரவேல் (45) அம்மையப்பன் (32) சின்னமணி (27) சக்திவேல் (25) ராஜேந்திரன் (45) ராமநாதன் (20) மகாலிங்கம் (30) தனபால் (34) ஆகிய 9 பேர் கைது செய்யப்பட்டுள்ளனர்.

செய்தி உதவி : தினத்தந்தி
புகைப்படங்கள் : அதிரை நியூஸ்