அதிரை ஈசிஆர் சாலையில் கார் - பைக் நேருக்கு நேர் மோதியதில் ஒருவர் காயம் !

தூத்துக்குடியை சேர்ந்தவர்கள் அப்துல் பாசித், ஹாஜா, கஜாலி. இவர்கள் மூவரும் நேற்று நாகூரில் நடைபெற்ற விழாவில் கலந்துகொண்டுவிட்டு காரில் இன்று மாலை ஊர் திரும்புகையில், கார் அதிரை ஈசிஆர் சாலையில் உள்ள லைலாத்தி கடையின் அருகே கடந்தபோது எதிரே வந்த இருசக்கர வாகனம் நேருக்கு நேர் காரின் மீது மோதியது. இதில் இருசக்கர வாகனத்தை ஓட்டி வந்த உள்ளூர் புதுக்கோட்டையை சேர்ந்த ராமலிங்கத்திற்கு முகத்தில் காயம் ஏற்பட்டது.  உடனே அருகில் நின்றவர்கள் சிகிச்சைக்காக அரசு மருத்துவமனைக்கு அனுப்பிவைத்தனர். தகவலறிந்த போலீசார் சம்பவ இடத்திற்கு விரைந்து வந்து விசாரணை மேற்கொண்டனர். விபத்து குறித்து மேலும் விசாரித்து வருகின்றனர். இதில் காரின் முன்புற கண்ணாடி பலத்த சேதமடைந்தது. இருசக்கர வாகனமும் சேதமடைந்துள்ளது.