அதிரையில் மூன்று சக்கர வாகனத்தோடு வாக்குசாவடியின் உள்ளே சென்று வாக்கு செலுத்திய வாக்காளர் !

அதிரை நடுத்தெருவை சேர்ந்தவர் அஸ்ரப். மாற்று திறனாளியான இவர் கடந்த பல வருடங்களாக செக்கடி மேடு பகுதியில் சொந்தமாக கோழி கடை நடத்திவருகிறார். அதிக நட்பு வட்டத்தை பெற்றுள்ள இவர் பல்வேறு இளைஞர்களுக்கு வேலை வாய்ப்பையும் அமைதியாக வழங்கி வருகிறார்.

நேற்று நடந்த பாராளுமன்ற தேர்தலில் நடுத்தெரு வாய்க்கால் தெரு பள்ளிக்கூடத்தில் அமைந்துள்ள வாக்குசாவடியில் தனது மூன்று சக்கர வாகனத்தோடு உள்ளே சென்று வாக்களித்தார். கூட இருந்த அவரது நண்பர்கள் அவரை உள்ளே அழைத்து சென்று வாக்கு செலுத்த உதவினார்கள். அங்கிருந்த பொதுமக்கள் மாற்றுதிறனாளியாக இவர் இருந்தும் தனது ஜனநாயக கடமையை ஆற்ற ஆர்வத்துடன் வந்துள்ளாரே ! என வியப்படைந்தார்கள்.