மல்லிபட்டினம் கலவரத்திற்கும் எங்களுக்கும் எந்த சம்பந்தமில்லை ! SDPI அறிவிப்பு !

தஞ்சை பாராளுமன்ற தொகுதிக்கு உட்பட்ட சேதுபாவசத்திரம் ஒன்றியத்தின் கீழ்வரும் மல்லிபட்டினம் பகுதிகளில் வாக்கு சேகரிப்பதற்காக பிஜேபி சார்பில் வேட்பாளராக போட்டியிடும் கருப்பு (எ) முருகானந்தம் நேற்று தனது படைசூழ வருகை தந்தபோது ஏற்பட்ட கலவரத்தில் ஏராளமான பொருட் சேதத்துடன் பலரும் பாதிப்படைந்தனர்.

கலவரம் குறித்து விளக்குவதற்காக இன்று எஸ்டிபிஐ கட்சியின் சார்பில் அதிரை அலுவலகத்தில் பிரஸ் மீட் ஏற்பாடு செய்யப்பட்டு இருந்தது. இதில் அதிரையின் பிராதான செய்திகளை வழங்கி வரும் அனைத்து ஊடகங்களும் கலந்துகொண்டன.

பிரஸ் மீட்டில் பேசிய SDPI கட்சியின் தேசிய செயற்குழு உறுப்பினர் அபூபக்கர் சித்திக் நேற்று நடந்த மல்லிபட்டினம் கலவரத்திற்கும் SDPI கட்சிக்கும் எந்த சம்பந்தமில்லை என்றார். அப்போது SDPI கட்சியின் மாவட்ட செயற்குழு உறுப்பினர் வழக்கறிஞர் நிஜாம், நகர துணைதலைவர் அன்வர் ஆகியோர் உடனிருந்தனர்.