உண்ணாவிரத போராட்டத்தில் திரளாக பங்கேற்க அதிரை சேர்மன் அழைப்பு ! [ காணொளி ]

அதிரை அரசு மருத்துவமனையில் 24 மணி நேர பணியை தொடரவும், அதற்காக கூடுதல் மருத்துவர்கள் நியமிக்க வேண்டி பட்டுக்கோட்டை வருவாய் கோட்டாட்சியர் தலைமையில் பேச்சு வார்த்தை நடைபெற்றது. இதில் இன்னும் ஒரு மாத காலத்திற்குள் அதிரை அரசு மருத்துவமனையில் 24 மணி நேர சேவைக்காக கூடுதல் மருத்துவரை நியமிப்பது என்றும், அதுவரையில் தற்காலிகமாக சுழற்சி முறையில் மருத்துவமனையில் பணிபுரியும் மருத்துவர்களை கூடுதலாக பொறுப்பு வகிக்க அறிவுறுத்துவது என்று முடிவு செய்யப்பட்டது. இதையடுத்து சாலை மறியல் போராட்டம் விலக்கிகொள்ளப்பட்டது.

பேச்சுவார்த்தை முடிவின் படி, அதிரை அரசு மருத்துவமனையில் இதுவரையில் இரவு நேர மருத்துவர் நியமிக்கப்படாததால், ஆத்திரமடைந்த பொதுமக்கள் அதிரை பேரூராட்சி தலைவர் எஸ். ஹெச் அஸ்லம் தலைமையில், மருத்துவமனை வளாகத்தில் நாளை [ 16-05-2015 ] காலை 9 மணி முதல் மாலை 5 மணி வரை ஒரு நாள் அடையாள உண்ணாவிரத போராட்டம் நடத்தப்போவதாக  அறிவிப்பு வெளியிடப்பட்டுள்ளது.

இந்நிலையில் ஒரு நாள் அடையாள உண்ணாவிரத போராட்டம் நடத்துவது தொடர்பாக கடந்த அன்று அதிரை பேரூராட்சி தலைவர் எஸ்.ஹெச் அஸ்லம் தலைமையில் அதிரை பேரூராட்சி அலுவலக வளாகத்தில் சிறப்பு கலந்தாலோசனை கூட்டம் நடைபெற்றது.

இந்நிலையில் காலதாமதமாகி வரும் நியாமான கோரிக்கை வெற்றிபெற அதிரை மற்றும் சுற்றுவட்டார பகுதி பொதுமக்கள் நாளை நடைபெற உள்ள ஒரு நாள் அடையாள உண்ணாவிரத போராட்டத்தில் திரளாக கலந்து கொள்ள வேண்டும் என அதிரை பேரூராட்சி தலைவர் எஸ்.ஹெச் அஸ்லம் அழைப்பு விடுத்துள்ளார்.