சாதனை நிகழ்த்திய அதிரை மாணவியை மாவட்ட ஆட்சியர் நேரில் அழைத்து பாராட்டு !

தஞ்சாவூர் மாவட்டத்தில் கடந்த மாதம் மார்ச் மாதம் 10ம் வகுப்பு பொது தேர்வு நடைபெற்றது. இன்று  மாணவ மாணவியர்களுக்கு தேர்வு முடிவுகள் வெளியிடப்பட்டது. இதில் அதிரை காதிர் முகைதீன் பெண்கள் மேல்நிலைப்பள்ளியின் சார்பில் மொத்தம் 188 மாணவிகள் தேர்வு எழுதினார்கள். இதில் புதுமனைத்தெருவை சேர்ந்த முஹம்மது தவ்பீக் மகள் M.T. பர்வின் சுல்தானா  497 / 500 மதிப்பெண்கள் பெற்று மாநில அளவில் மூன்றாம் இடத்தை பிடித்து சாதனை நிகழ்த்தினார். மாணவி M.T. பர்வின் சுல்தானை மாவட்ட ஆட்சியர் நேரில் அழைத்து பாராட்டு தெரிவித்து நினைவு பரிசுகளை வழங்கினார்.

இந்நிகழ்ச்சியின் போது முதன்மைக் கல்வி அலுவலர் முனைவர் வே.தமிழரசு, பட்டுக்கோட்டை கல்வி  மாவட்ட அலுவலர் திரு.ராஜசேகரன், காதிர் முகைதீன் பெண்கள் மேல்நிலைப்பள்ளி தலைமை ஆசிரியை சுராஜ், உதவி தலைமை ஆசிரியை, பள்ளி ஆசிரியைகள், மாணவியின் தகப்பனார் முஹம்மது தவ்பீக், மாணவியின் உறவினர்கள் உடனிருந்தனர்.

மேலும் மாநில அளவில் சாதனை நிகழ்த்திய மாணவிக்கு  முதன்மைக் கல்வி அலுவலர் முனைவர் வே.தமிழரசு, பட்டுக்கோட்டை கல்வி  மாவட்ட அலுவலர் திரு.ராஜசேகரன், பள்ளி நிர்வாகம், தலைமை ஆசிரியை - ஆசிரியைகள், அலுவலர்கள், சக மாணவிகள், பெற்றோர் ஆகியோர் வாழ்த்து தெரிவித்தனர்.