சிபிஎஸ்இ பத்தாம் வகுப்பு தேர்வில் அதிரை மாணவி சாதனை !

மாணவியின் தகப்பனார் பதுருதீன்

சிபிஎஸ்இ பத்தாம் வகுப்பு தேர்வு முடிவுகள் நேற்று வெளியிடப்பட்டது. சிபிஎஸ்இ பாடத்திட்டத்தின் கீழ் 10-ம் வகுப்பு தேர்வை நாடு முழுவதும் இந்த ஆண்டு 13 லட்சத்து 73 ஆயிரத்து 853 மாணவ மாணவியார்கள் எழுதினர்.

இதில் அதிரை ஆலடித்தெருவை சேர்ந்த டால்பின் ஏர் சர்வீஸ் உரிமையாளர் பதுருதீன் அவர்களின் மகள் பாத்திமா பஹ்மிதா அவர்கள் நடப்பாண்டில் திருச்சி சமது சீனியர் செகண்டரி பள்ளியில் பத்தாம் வகுப்பு சிபிஎஸ்இ பாடத்திட்டத்தில் பொதுத்தேர்வு எழுதினார். இதில் பள்ளியளவிலும், ஊரளவிலும் 10 புள்ளிகள் பெற்று சாதனை புரிந்துள்ளார். இவர் அனைத்து பாடங்களிலும் A கிரேடு பெற்றிருப்பது குறிப்பிடத்தக்கது.

சாதனை நிகழ்த்திய மாணவியை பள்ளி நிர்வாகம், தலைமை ஆசிரியர், ஆசிரியைகள், பெற்றோர், உறவினர்கள், சக மாணவிகள் பாராட்டி வாழ்த்து தெரிவித்தனர்.