அதிரை தமுமுகவிற்கு அவசரகால மருத்துவ சேவை விருது !

அதிரை சுற்றுவட்டார பகுதியின் பல்வேறு துறைகளை சார்ந்த சாதனையாளர்களை இனங்கண்டு அவர்களின் சேவைகளை ஊக்கப்படுத்தும் நோக்கில் 'அதிரை நியூஸ் கல்வி விருது - சாதனையாளர்கள் விருது 2015' என்ற பெயரில் விருது வழங்கும் விழா நேற்று மாலை அதிரை பேருந்து நிலையம் அருகே உள்ள சாரா திருமண மஹாலில் நடைபெற்றது.

தமிழ்நாடு முஸ்லீம் முன்னேற்ற கழகம் – அதிரை நகரம் சார்பில் பராமரிக்கப்பட்டு வருகின்ற ஆம்புலன்ஸ் மூலம் அதிரை மற்றும் சுற்றுவட்டார பகுதிகளில் ஏற்படும் திடீர் வாகன விபத்துகளில் சிக்கி உயிருக்கு போராடி வருபவர்களை சாதி மத பேதமில்லாமல் சம்பவ இடத்திலிருந்து பத்திரமாக மீட்டு சிகிச்சைக்காக மருத்துவமனைக்கு கொண்டு செல்லும் பணி, இறந்த உடல்களை பிரத பரிசோதனைக்கு பிறகு உரியவரிடம் கொண்டு சேர்த்தல், அவசரகால மருத்துவ சிகிச்சைக்காக நோயாளிகளை மருத்துவமனைகளுக்கு கொண்டு செல்தல் உள்ளிட்ட சேவைக்காக அவசரகால மருத்துவ சேவை விருது வழங்கப்படுகிறது. இந்த விருதை மாவட்ட சுகாதார நலப்பணிகள் இணை இயக்குனர் டாக்டர் D. மீனாட்சி வழங்கி கெளரவித்தார். இவற்றை தமுமுக அதிரை நகர துணைச் செயலாளர் தமீம் பெற்றுக்கொண்டார்.