அண்ணா சிங்காரவேலுக்கு சிறந்த பேச்சாளர் விருது !

அதிரை சுற்றுவட்டார பகுதியின் பல்வேறு துறைகளை சார்ந்த சாதனையாளர்களை இனங்கண்டு அவர்களின் பணிகளை ஊக்கப்படுத்தும் நோக்கில் 'அதிரை நியூஸ் கல்வி விருது - சாதனையாளர்கள் விருது 2015' என்ற பெயரில் விருது வழங்கும் விழா நேற்று மாலை அதிரை பேருந்து நிலையம் அருகே உள்ள சாரா திருமண மஹாலில் நடைபெற்றது.

பல்வேறு தொலைக்காட்சி நிகழ்ச்சிகளில் பங்குபெற்று உரையாடி வருகிறார். இந்தியாவில் பல்வேறு பகுதிகளிலும், வெளிநாடுகளிலும் பேச்சரங்க நிகழ்ச்சிகளில் கலந்துகொண்டு பல்வேறு தரப்பின் வரவேற்பை பெற்று வருகிறார். பல்வேறு விருதுகளை பெற்றுள்ள இவர் முன்னாள் ஜனாதிபதி டாக்டர் அப்துல் கலாம் அவர்களின் அழைப்பின்பேரில் நேரடியாக சந்தித்து பாராட்டைப் பெற்றுள்ளார். மேலும் 'நதியோர மரவேர்கள்', 'சிறகு முளைக்காமலே', 'இந்தப்பகலும் விடியட்டும்' போன்ற நூல்களை எழுதியுள்ள பணிகளுக்காக அண்ணா சிங்காரவேலுக்கு இந்த விருது வழங்கப்பட்டது. இந்த விருதை மாவட்ட சுகாதார பணிகள் துணை இயக்குனர் டாக்டர் குணசீலன் வழங்கி கெளரவித்தார்.

சிறந்த பேச்சாளர் விருது பெற்ற அண்ணா சிங்காரவேலுவை நிகழ்ச்சியில் கலந்துகொண்டவர்கள் வாழ்த்து தெரிவித்தனர்.