அதிரையில் நடந்த இளைஞர் காங்கிரஸ் கூட்டத்தில் அதிரை பொதுநலன் சார்ந்த தீர்மானங்கள் நிறைவேற்றம் !

அதிரை நகர இளைஞர் காங்கிரஸ் கட்சியினர்  நடத்திய  செயல்வீரர்கள் கூட்டம்  இன்று காலை 11 மணியளவில்  காங்கிரஸ்  கட்சி  அலுவலகத்தில் நடந்தது .

தஞ்சை  பாராளுமன்ற தொகுதி  தலைவர் திருச்செந்தில் அவர்களின் தலைமையிலும், இளைஞர் காங்கிரஸ் மாநில செயலாளர் ரவிந்தரதாஸ், அதிரை  நகர காங்கிரஸ் தலைவர்  M.M.S. அப்துல்  கரீம், பட்டுக்கோட்டை  சட்டமன்ற இளைஞர் காங்கிரஸ் துணைத்தலைவர் அதிரை  மைதீன், நகர  இளைஞர்  காங்கிரஸ் தலைவர் கார்த்திகேயன் ஆகியோரின் முன்னிலையில்  இனிதே துவங்கியது .

இந்தக்கூட்டத்தில் எடுக்கப்பட்ட தீர்மானங்கள் : 
1. செல்லிக்குறிச்சி ஏரி மற்றும் அதிரையின் அணைத்து குளங்களுக்கும் நீர் ஆதாரத்தை வழங்க  வேண்டும் என மாவட்ட  ஆட்சியரிடம்  கோரிக்கை வைப்பது.
2. அதிரை  நகருக்கு  ஆம்புலன்ஸ் வழங்கக் கோரி தமிழக  அரசை கேட்டுக் கொள்வது.
3. அதிரை  கரையூர் தெரு, காந்தி நகர்  துறைமுக சாலையை  சீரமைத்து தருவது

ஆகிய தீர்மானங்கள்  நிறைவேற்றப்பட்டன.

கூட்டத்தில் அதிரை நகர காங்கிரஸ் மற்றும் இளைஞர் காங்கிரஸ் நிர்வாகிகள் கலந்து கொண்டனர்.