காப்பி பேஸ்ட் வலைதளத்திற்கு அதிரை நியூஸின் கனிவான வேண்டுகோள் !

அதிரை நியூஸ் - 'உள்ளூர் நிகழ்வுகளை உடனுக்குடன்' வாசகர்களுக்கு வழங்க வேண்டும் என்ற அடிப்படையில் உருவாக்கப்பட்டதுதான் இந்த செய்திதளம். உள்ளூரிலிருந்து பொதுநல நோக்கில் மிகுந்த சிரமங்களுக்கிடையே சம்பந்தப்பட்டவர்களை நேரடியாகத் தொடர்புகொண்டும், நேரடியாக களஆய்வு செய்தும் தகவல்கள் சேகரிக்கப்பட்டு தளத்தில் செய்தியாக பதியப்பட்டு வருகின்றன. இவ்வாறாக பதியப்படும் செய்திகளையும் புகைப்படங்களையும் பதிந்த சில மணி நேரங்களில் எங்கேயோ இருந்துகொண்டு இலகுவாக காப்பி செய்யப்பட்டு குறிப்பிட்ட வலைதளமொன்றில் தொடர்ந்து பதியப்பட்டு வருகின்றன. இதுகுறித்து சம்பந்தப்பட்டவர்களிடம் நேரடியாகவும், தொலைபேசி வாயிலாகவும் நட்பு முறையில் எடுத்துச்சொல்லியும் இந்த இழிவான செயல் தொடர்ந்துகொண்டுதான் இருக்கிறது.

எங்களைப் பொறுத்தவரை எங்களால் பதியப்படும் செய்திகளை பிற சகோதர தளங்கள் எடுத்துப்பதிவதில் எவ்வித ஆட்சபனையும் எங்களுக்கு இல்லையென்றாலும் அதிரை நியூஸ் பெயரை அடிக்குறிப்பிட்டு பதிவதையே நாங்கள் விரும்புகிறோம். ஆதலால் அதிரை நியூஸின் செய்திகளை / புகைப்படங்களை எடுத்துப்பதியும் நண்பர்கள் எங்களின் தள முகவரியை நன்றியுடன் குறிப்பிட்டு பதிய அன்புடன் வேண்டுகிறோம். இதுதான் ஊடக தர்மமும் ஆகும்.

அதிரை நியூஸ்குழு