அதிரை சிறுவர்களின் ஆர்வத்தில் மண்ணள்ளி போட்ட மர்ம கும்பல் !

ஆலடிதெரு முகைதீன் ஜும்மா பள்ளி எதிரே அமைந்து செக்கடி குளக்கரை மேட்டில் கடந்த சில வாரங்களுக்கு முன்பு அந்த பகுதிகளில் வசிக்கும் இளம் சிறுவர்களின் கடும் முயற்சியின் கீழ் பூங்கா ஒன்றை உருவாக்கினார்கள். இந்த பூங்காவால் இந்த இடத்தில் தினமும் கொட்டப்பட்டு வந்த குப்பை கூளங்களும் நிறுத்தப்பட்டன. மேலும் பசுமையை வலியுறுத்தும் விதமாகவும், புகைபிடிப்பதை தடுக்கும் விதமாக அறிவிப்பு அட்டைகளும் இந்த பூங்காவில் தொங்க விட்டிருந்தனர்.

இந்தப்பகுதியில் வசிக்கும் அனைத்து தரப்பினரின் மிகுந்த வரவேற்பை பெற்று வந்ததது. இதற்காக சிறுவர்கள் தினமும் இந்த பூங்காவை பராமரித்து வந்தனர். ஆடு மாடுகள் உள்ளே செல்லாதவாறு அடைத்து கண்காணித்தும் வந்தனர். இவர்களின் ஆர்வத்தில் மண்ணள்ளிப்போட்டது போல் நேற்று நள்ளிரவில் யாரோ சில மர்ம நபர்கள் தீயிட்டு பூங்காவை கொளுத்தியுள்ளனர்.