கருத்தாடல்கள் ஓர் அலசல் !

ஒரு காலத்தில்  தினத்தந்தி, தினகரன், தினமணி, THE HINDU, மாலைமலர், மாலைமுரசு போன்ற பத்திரிக்கைகளின் வாயிலாக அரசியல், நாட்டு நடப்பு, உலக செய்திகளை தெரிந்து கொண்டோம் இரவு 10 மணிக்கு நடந்த சம்பவம் காலை செய்தித்தாள்களில் இடம் பெறாது. பகல் 11 மணி சம்பவங்கள் மாலைச்செய்திதாள்களில்  வராது. காரணம் தொலை தொடர்பு வசதிகள் சரிவர இல்லாததுதான்,  போட்டோ கிராஃபர் புகைப்படம் எடுத்து டெவலப் செய்து ஆள் மூலம் பத்திரிகை அலுவலகத்திற்கு அனுப்பி வைத்து பிரசுரமாக நாள் பிடிக்கும் [ இன்று போட்டோ கிராஃபர் என்று தனி உத்யோகமெல்லாம் கிடையாது ] நிருபரே பார்த்துக்கொள்வார்.

பத்திரிகை வாயிலாக செய்தி அறிந்த காலத்தில் சலூன் கடை, டீ கடை போன்ற இடங்களில் ஓசி பேப்பர் படிக்க ஒரு கூட்டம் இருக்கும் அந்த இடங்களில்தான் உலக பொருளாதாரம், அரசியல் ஆலோசனை இலவசமாக உபதேசிக்கப்படும், வீண் வாதங்களும் சண்டைகளும் அடிக்கடி நடைபெரும் பல கடைகளில்  இங்கு அரசியல் பேசாதீர் என்று பலகைகளில் எழுதி தொங்கவிடப்பட்டு இருக்கும்.

அரசியலை கரைச்சி குடிச்சவர்கள் என்று தெருவிற்கு 2 பேர் இருப்பார்கள் அவரை சுற்றி ஒரு கூட்டம் பத்திரிகை செய்தியின் விளக்க உரைகளை கேட்டுக்கொண்டு இருப்பார்கள் !  பத்திரிகையில் வந்த செய்திக்கு விமர்சனம், எதிர்ப்பு கருத்து, ஆதரவு செய்திகளை நாம் பதிய விரும்பினால் தனியாக சிரத்தை மேற்கொள்ள வேண்டும் [ கடிதம் எழுதி தபால் அலுவலகம் சென்று கவர் அல்லது கார்டு வாங்கி போஸ்ட்  செய்ய வேண்டும் ] பிரசுரம் ஆக ஒரு வாரம் ஆகலாம் எடிட்டரால் தள்ளுபடி செய்யப்படலாம் தினம் பேப்பரில் நம் கமெண்ட்ஸ் வந்துள்ளதா என்று தேட வேண்டும் வேலை வெட்டி இல்லாதவர்கள் செய்யும் வேலை என்று அன்றைய காலத்தில் பிறரால் தூற்றப்பட்டார்கள்.

இந்த நவீன உலகத்தில் 1/2 மணி நேரத்திற்கு முன்பு அமெரிக்காவில் நடந்த நிகழ்வு அதிரையில் TV மூலமாக காணொளியில் காண்கிறோம் அடுத்த நொடியில் நம் முகநூலில் பிறருக்கு தெரியப்படுத்துகிறோம் [ அன்று 100 வருடம் வாழ்ந்தவர் இன்று 30  வருடம் வாந்தவருக்கு சமமாவார்கள் அவ்வளவு வேகம் ] அன்று  இரண்டு நண்பர்கள் தனியறையில் விவாதித்து வந்ததை இன்று தனித்தனி அறையில் அமர்ந்துகொண்டு இருவரும் விவாதிக்கிறார்கள் !
 
அறிவியலின் முன்னேற்றம் ஊருக்கு 10 வலைதளங்கள் முளைத்து விட்டன அந்த ஊர்களின் செய்தி ஆங்காங்கே பதியப்படுகின்றன செய்தி சொல்லும் விஷயம் 4 வரிஎன்றால் கருத்து கந்தசாமிகளின் கருத்து 40 வரியாகி போகிறது நல்ல செய்தி சொல்பவர்கள் குறைவாய் இருக்கின்றனர் மற்றவர்களை திட்டித்தீர்ப்பவர்கள் அதிகம்பேர் இருப்பதுதான் கவலையளிக்கிறது நான்கு சுவருக்குள்ளே நண்பர்களாய் பேசப்படுவது வலைதளத்தின் கருத்துப்பகுதியிலும் வரைமுறை இல்லாது பேசப்படுகிறது.
 
ஒரு வலைதளத்தில் வந்த செய்தி உண்மையா !? பொய்யா !? என்பது ஆராயப்படுவது இல்லை அப்படியே உண்மை என்று நம்பி ஆதரவு தருகிறேன் பேர்வழிகள்  என்று கிளம்பி  விடுகிறார்கள் அதுபோல் எதிர்க்க வேண்டும் என்று நினைத்தால் வார்த்தை பிரயோகம் கடினமாக இருப்பது கவலைக்குரியது. வலைதளங்களை ஆக்கப்பூர்வமான விஷயத்திற்கு பயன் படுத்தவேண்டும் COMMENTS என்பது  ஆக்கப்பூர்வமான விஷயங்களை சொல்ல வேண்டும்   ஆனால் அரைவேக்காட்டு தனமாக, விஷயங்களை தெளிவாக உணராமல் கருத்திடுகிறார்கள்.
     
மேலும் ஒரு காலத்தில் படிக்கும்போது, அல்லது வேலைக்காக காத்திருக்கும்போது நண்பர்கள் ஒன்று கூடி மரத்தடியிலோ, குளத்து மேட்டிலோ, மன்றம் என்ற பெயரால் ஓலை குடிசையிலோ, குட்டி சுவரிலோ, கண்டதையும் முழு அறிவு பெறாமலேயே அரட்டை கச்சேரிகளை நேரம் போவது தெரியாமல் நேரத்தை வீண் விரயம் செய்து கொண்டிருப்போம் அதே ஞாபகம் இன்று நல்ல வேலை கிடைத்து பொறுப்புகள் பல நம் தலைமீது இருந்தும் அரட்டைக்கென்றே தனியாக இணையதளம் அமைத்து கண்டதையும் கருத்திட்டு மற்றவர் மனம் புண்படியாக நடந்து கொள்வதும் தவறான நடத்தையில் பாவத்தை சம்பாதித்து கொண்டு இருக்கிறோம் என்பதனை மறவாதீர்கள் நண்பர்களே !
 
ஒரு இஸ்லாமியனின் குறைகளை இன்னொரு முஸ்லீம் மக்கள் மத்தியில் பிரபல படுத்துவது பாவகாரமான காரியம் என்று நாயகம் [ஸல்] அவர்கள் கூறி இருக்கின்றார்கள் என்பதையும் நினைவுபடுத்த விரும்புகிறேன்
 
தவறுகள் செய்யாத மனிதர்கள் இல்லை தம் தவறுகளை யாராகிலும் சுட்டிக்காட்டினால் திருத்திக்கொள்ளதவன் மனிதனே அல்ல !

மு.செ.மு. சபீர் அஹமது