அதிரையில் ஏற்பட்ட வாகன விபத்தில் திமுக ஒன்றிய பிரதிநிதி அன்சர்கான் காயம் !

அதிரை புதுத்தெரு பகுதியை சேர்ந்தவர் அன்சர்கான். இவர் தி.மு.கழக ஒன்றிய பிரதிநிதியாகவும், அதிரை பேரூராட்சியின் 11வது வார்டு உறுப்பினராகவும் இருந்து சமூகபணியாற்றி வருகிறார்.

இவர் இன்று மதியம் 2.30 மணியளவில் மிஸ்கீன் பள்ளி அருகே தனது இரு சக்கர வாகனத்தில் புறப்பட தயாரான போது எதிர்பாராத விதமாக ரிவர்ஸில் வந்த வாகனம் இவர் மீது மோதியது. இதில் கால், முதுகு தோல்பட்டையில் காயமேற்பட்டதை அடுத்து மருத்துவமனைக்கு கொண்டு சென்று சிகிச்சை அளிக்கப்பட்டு வருகிறது.

ஹிமாயத்துல் இஸ்லாம் சங்க துணைத்தலைவர் குலாப்ஜான் அன்சாரி மற்றும் அன்சர்கான் குடும்பத்தினர்கள், நண்பர்கள் உடனிருந்து கவனித்து வருகின்றனர். சம்பவம் கேள்விப்பட்ட தி.மு. கழக முன்னோடிகள் உள்ளிட்ட ஏராளமானோர் காயமடைந்த அன்சர்கானை நலம் விசாரித்து வருகின்றனர்.