அதிரை அரசு மருத்துவமனையின் இரவு நேர சேவை குறித்து N.R. ரெங்கராஜன் MLA அவர்களுக்கு அரசிடமிருந்து வந்த பதில் !

அதிராம்பட்டினம் அரசு மருத்துவமனையில் 24 மணி நேர பணியை தொடரவும், அதற்காக கூடுதல் மருத்துவர்கள் நியமிக்க வேண்டும் என்ற அதிரை பொதுமக்களின் நீண்ட நாள் கோரிக்கையை நமது சட்டமன்ற தொகுதியின் உறுப்பினர் மரியாதைக்குரிய N.R. ரெங்கராஜன் MLA அவர்கள் மக்கள் நல்வாழ்வு மற்றும் குடும்ப நலத்துறை துறையினருக்கு கோரிக்கையை அனுப்பிவைத்து அதில் விரைவாக நடவடிக்கை எடுக்கக்கேட்டுக்கொண்டார். இதுகுறித்து சம்பந்தப்பட்ட துறையினரிடமிருந்து N.R. ரெங்கராஜன் MLA அவர்களுக்கு பதில் கடிதம் வந்துள்ளன.

கடந்த 18-11-2013 அன்று சென்னையில் மக்கள் நல்வாழ்வு துறை செயலர் திரு ராதாகிருஷ்ணன் IAS அவர்களை நேரடியாகச் சந்தித்து அதிரை அரசு மருத்துவமனையில் இரவு நேரங்களில் மருத்துவர்களை பணி புரிய வைக்க வேண்டியதன் அவசியம் குறித்து விளக்கி கூறியிருக்கிறார். இவற்றை பொறுமையாக கேட்டுக்கொண்ட அலுவலர் அவர்கள் வெகு சில நாட்களில் நிறைவேற்றி தருவதாக வாக்குறுதி அளித்திருப்பது குறிப்பிடத்தக்கது.